Споделете со пријателите!
Направете вкусна салата со модри патлиџани
Модриот патлиџан може да се комбинира во навистина многу различни комбинации. Минатиот пат го искомбиниравме со паста а денешниот рецепт е со наут. Вкусен и здрав оброк.
- 1 голем модар патлиџан;
- 1 шолја наут (стоен преку ноќ во вода, варен пола саат и исцеден, или
- 1 конзерва наут, исцеден;
- 2 црвени пиперки, печени, излупени и исчистени од семки;
- бело сирење;
- црни маслинки;
- оригано;
- сол;
- бибер;
- балсамик оцет;
- маслиново масло;
- соја сос
- 2 лукчиња, истолчени.
Модриот патлиџан исечете го по должина, на тенки кришки, околу 5 мм дебели. Намачкајте ги кришките со малку маслиново масло од двете страни, наредете ги во тавче во еден слој и печете ги во рерна околу десет минути, додека не омекнат во средината и не почнат да се заруменуваат. Потоа наредете ги во чинија.
Помешајте ги оцетот, соја сосот, лукчето, ориганото, солта и биберот и потоа, цело време мешајќи, полека сипете го маслиновото масло.
Ставете ги наутот, исечените пиперки, сирењето исечено или здробено и маслинките во еден сад и прелијте ги со дресингот и сето тоа истурете го врз модрите патлиџани.
* рецептите со во целост преземени од ситно сецкано
Споделете со пријателите!
