probiotici-prirodna-odbrana-protiv-vaginalni-infekcii_image
Споделете со пријателите!

Вагиналните инфекции се едни од најчестите инфекции поради кои жените треба или веќе посетиле доктор – гинеколог.
Причината за овие инфекции може да биде од бактериско или габично потекло. Вагиналниот и урогениталниот систем анатомски и физиолошки е структуиран да може да се одбрани од штетни микроорганизми како резултат на зголемено присуство на така наречени „добри“ бактерии или Lactobacillus. Се додека концентрацијата на овие бактерии е на високо ниво тие ќе ја одржуваат pH вредноста во вагината под 4.5 , на тој начин што ќе оневозможат раст на штетни микроорганизми и развој на вагинални инфекции.

Овој процес на нормално функционирање може да биде нарушен како резултат на повеќе причини , а некои од нив се :

  • Брз начин на живот;
  • Стрес;
  • Нередовна исхрана;
  • Незаштитени полови односи;
  • Бременост;
  • Синтетичка облека;
  • Употреба на антибиотици;
  • Намален имунитет итн.

Првите симптоми кои се карактеристични дека е нарушена вагиналната флора т.е. дека веќе постои одредена вагинална инфекција се чешање, печење, непријатен мирис, вагинален исцедок и др.

Најчесто при ваков тип на проблем изборот за третман на вагиналните инфекции е антибиотик или антимикотик, иако според СЗО најновиот став за ваков третман е пробиотик.

Улогата на употреба на пробиотикот во третман на вагинални инфекции како дополнителна терапија на антибиотик или антимикотик или како монотерапија е многу битна за да се постигне нормална вагинална микрофлора како што е кажано погоре за да може да функционира нормално овој систем. Многу од жените се одлучуваат да земат терапија во која нема да вклучат пробиотик и заради тоа голема е веројатноста да истите пациентки имаат реинфекција (повторување на инфекцијата ) како резултат на недостиг на здрава вагинална микрофлора која што ја надоместува локалниот пробиотик.

Прочитајте:  Менопауза – како да уживате во најубавите години

Одржавањето на здравата микрофлора се прави со комбинација од лактобацили, млечна киселина и изофлавон од соја. Ваков тип на вагиналети со тројна комбинација постојат и кај нас. Предноста нивна е тоа што кога ке се раствори оваа специфична вагиналета  за неколку минути, ослободува млечно- киселински бактерии и млечна киселина што допринесуваат за намалување на pH вредноста до 4 – 4,5 и го блокира населувањето и растот на патогените микроорганизми.

Континуираната употреба на пробиотици го превенира настанувањето на овој тип на вагинални инфекции. Тие се природни не се штетни по здравјето на пациентите и се употребуваат најчесто 10 дена пред менструација или веднаш по престанување на циклусот. Употребата може да биде и до 14 дена.

Д-р Александар Блажевски, специјалист гинеколог

PharmaS_ProBalans Lady_700x90


Споделете со пријателите!