Истражувањата покажуваат дека брусницата помага при лекувањето на уринарни инфекции.
Симптомите на уринарните инфекции се лесно забележливи и не можете да ги игнорирате. Тие вклучуваат: честа и силна потреба за мокрење; печење и болка при мокрењето; заматена урина која понекогаш има силна миризба или содржи крв; притисок во долниот дел на стомакот.
Уринарните инфекции најчесто се третираат со антибиотици, но многу лесно може да дојде до нивно повторување, па затоа превенцијата е особено важна. По мокрење или празнење на цревата секогаш бришете се однапред наназад за да го спречите преминувањето на бактерии од аналниот отвор кон уретрата. Мијте ја интимната област барем еднаш дневно и секогаш пред и по сексуален однос. Не употребувајте парфимирана тоалетна хартија или интимни пудри и парфеми. Претпочитајте туширање наместо лежење в када.Колку повеќе течности пиете, толку повеќе ги „измивате“ бактериите. Внесувајте витамин Ц во форма на таблети. Витаминот Ц ја зголемува киселоста на урината и го редуцира размножувањето на бактерии. Секогаш мокрете пред и после секс за да се ослободите од бактериите кои би можете да навлезат преку уретрата. Пред сексуалниот однос напијте се чаша вода. Тампоните го зголемуваат ризикот од развивање на уринарна инфекција, па ако сте склони кон инфекции, користете влошки. Менувајте ги хигиенските влошки при секоја посета на тоалетот.
Истражувањата покажуваат дека брусницата помага при лекувањето на уринарни инфекции, но не треба да се смета како лек. Посетата на доктор е задолжителна. Најдобро е да пиете незасладен природен сок од брусница. Исто така, препорачливо е и консумирањето на сок од боровинки. Кога купувате чај од брусница, секогаш читајте ја етикетата, бидејќи многу од чаевите содржат само мал процент брусница.Памучната долна облека ѝ дозволува на кожата да дише и ја намалува влажноста којашто го поттикнува размножувањето на бактерии. Кажете им „не“ на тесните панталони и тангата ако сте склони кон инфекции. Препорачливо е да купувате костими за капење од материјали кои лесно се сушат. Водениот костим може да предизвика и вагинална инфекција. Газираните сокови и зачините можат само да ви ја влошат состојбата. Додека се борите со уринарна инфекција, потребно е целосно да ги избегнувате. При појавата на симптоми на уринарна инфекција, веднаш посетете доктор. Горенаведените совети можат да ви помогнат во лекувањето, но не треба да се сметаат за замена на лекарски третман.
Уринарните инфекции не се сериозен проблем ако се лекуваат навреме. Сепак, циститисот (воспаление на мочен меур) е честа болест, повеќе од две третини од жените имаат циститис еднаш во животот и скоро половината од нив во рок од 12 месеци од инфекцијата имаат рецидив.
Д-маноза е едноставна молекула на шеќер што се среќава во растенија како што се брусници, боровинки, праски, портокали и јаболка, и кој 30 години се користи за природен препарат за отстранување на E.Coli од уринарниот тракт.
Токму благодарение на Д-маноза, брусницата е ефикасна во лекувањето на уринарни инфекции. Оваа состојка сега е извлечена од растенијата и во доза од 2 грама има ефект кој е 10 до 50 пати посилен од сокот од брусница. Д-манозата е апсолутно безопасна и може да ја користат бремените жени, децата и дијабетичарите. Кај пациентите третирани со Д-маноза нов рецидив се јавува во просек после 200 дена!
М-р фарм. Славјанка Спироска
