pravete-povekje-od-4-000-chekori-dnevno-za-go-odrzhite-zdravjeto-na-mozokot_image
Споделете со пријателите!

Долгите прошетки може да го зголемат вашето внимание и ефикасноста во работењето, како и да ги подобрат другите когнитивни вештини.
Како што старееме, проблемите со помнењето започнуваат. Тие може да бидат природен дел од стареењето, но во некои случаи истите може да укажат на благи когнитивни нарушувања што може да се развијат и во деменција. Сепак, без разлика на тоа од која причина се појавуваат проблемите со меморијата се секојпат вознемирувачки бидејќи можат значително да влијаат врз квалитетот на животот на поединецот.

Неодамнешно истражување спроведено на Универзитетот во Лос Анџелес, Калифорнија, покажа дека долгото пешачење секој ден може да помогне во одржувањето на здравјето на мозокот.

„Долгите прошетки може да го зголемат вашето внимание и ефикасноста во работењето, како и да ги подобрат другите когнитивни вештини“, потенцираат авторите на студијата чии наоди неодамна беа објавени во дневникот „Journal of Alzheimer’s Disease“.

Во истражувањето биле вклучени 29 возрасни лица на возраст од 60 и повеќе години. Притоа учесниците биле поделени во две различни групи:

  • Група со мала физичка активност, која вклучила луѓе кои правеле 4.000 или помалку чекори дневно;
  • Група со голема физичка активност, која вклучила луѓе кои правеле повеќе од 4.000 чекори дневно.

Сите испитаници имале проблеми со меморијата на почетокот на истражувањето, но ниту еден од нив немал дијагноза на деменција. Со цел да се истражи потенцијалниот ефект на физичката активност врз когнитивните способности на различните групи испитаници, истражувачите користеле магнетна резонанција за одредување на волуменот и дебелината на хипокампусот, кој е дел од мозокот поврзан со формирањето и складирањето на мемориите и со просторната ориентација. Со други зборови поголем хипокампален волумен подразбира и подобра меморија.

Прочитајте:  Вежбањето по доживувањето на срцев удар може да го подобри здравјето

Како надополнување на магнетната резонанција, испитаниците што биле вклучени во истражувањето, исто така, биле подложени на низа невропсихолошки тестови. Во текот на истражувањата и тестирањата било откриено дека испитаниците од групата со голема физичка активност која одела повеќе од 4.000 чекори дневно, односно приближно 3 километри, имале хипокампуси со поголем волумен, како и погусто поврзани мозочни делови, во споредба со оние од групата со мала физичка активност. Покрај ова, се докажало дека групата со голема физичка активност покажала подобрено внимание, способност за работа и ефикасност за обработка на информации.


Споделете со пријателите!