Споделете со пријателите!
Мениеровата болест претставува нарушување на внатрешното уво, во поглед на ендолимфатичен хидропс, кое се карактеризира со карaктеристичен тријас на симптоми: вертиго, тинитус и флуктуирачка редукција на слухот.
На вашите прашањата еднаш неделно ќе одговара д-р Зоран Максимовиќ и
д-р Васко Павлоски
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
imam 4 godisen sin i ima alergiii pogotovo koga e vlazno vreme mu tece nos i ima slajmovi i kasla a ne e preladeno mu tece kako voda od nos pii letezen sirup ne nema nekakov efekt ve molam za sovet
Почитувана г-ѓа Македонка, најпрво е многу битно да се знае на што точно е алергичен Вашиот син. Во зависност од тоа може да го дадеме вистинскиот совет што би требало да одбегнува. Но, една друга многу битна работа кај алергиите. Сирупот кој го прима е во групата на антихистаминици, и тие се само еден дел од антиалергиската терапија. Во исто време многу побитно е да се администрира тописки назален кортикостероид кој ќе го намали излачувањето на секрет од носот. Секако дека употребата на муколитик во ваквите случаеви е исто така многу битна, кој што помага во разредување, развредување и со тоа полесно исфрлање т.е. ослободување од ваквиот тип на секрет кој редовно се лачи кај сите видови на алергиски реакции.
POcituvani imam 20 godini i aktivno se zanimavam so fudbal. Proletta za prv pat dobiv epizodi na neprijatni napadi na kivavica, crvenilo vo ocite i tesko disenje osobeno na trening. Preku letoto situacijata se podobri no sega eve pak imam problemi osobeno koga sum fizicki aktiven. Na maticen mi sugeriraa deka e alergija i mi dadoa loratadin. Po 2 nedeli situacijata e ista a jas ne mozam da dadam maksimum, Dali ima drugo resenie?
Fala,
Почитуван Г-дин Мики,
Симптомите кои се приутни кај Вас и кои Ви ги отежнуваат тренинзите укажуваат на реакција од алергиски тип. Твоето присуство на теренот и блискиот контакт со тревата, особено на пролет укажува дека веројатно се работи за алергија на треви и полени. Но за да знаеме на што точно си алергичен, мора да се реализиран алерго тест на инхалативни алергени, за да во зависност од резултатот се даде вистинскиот и правилен совет. Loratadin-от како антихистаминик е дел од антиалергиската терапија, но најпрво мора да се даде тописки назален кортикостероид кој се администрира директно на слузницата во носот. Со тоа ке се намали назалната секреција, и секако отежнатото дишење.
Здраво, неколку дена по ред имам зголемено лачење на секрет од носот, а немам видливи знаци на настинка. Дали станува збор за некоја алергија и што да правам бидејќи ми прави потешкотии на дишењето.
Ви благодарам
Почитуван Г-дин Мартин,
Секако дека најпрво е потребно да се направи преглед кај Оториноларинголог. Со ендоскопски назален преглед ќе се види присуството на секрет во носот и како тој секрет изгледа. Доколку се установи дека се работи за бистар прозирен, слузав скрет, сето тоа би не навело дека можеби се работи за реакција од алергиски тип. Доколку пак е присутно и чешање во носот или очите, пропратено со сериски кивавици исто така ќе не наведе на алергиска реакција. Во ваквиот случај најдобро е пациентот најпрво да направи алерго тест на инхалативни алергени и доколку се испостави дека се работи за алергија пациентот веднаш би требало да започне со антиалергиска терапија. А како ќе се прима и кои точно лекови, сето тоа зависи од резултатите од алерго тестот.