Споделете со пријателите!
Нередовниот живот, стресот, физичката неактивност, прекумерниот внес на калории и алкохол можат да доведат до покачување на нивото на холестерол и триглицериди во крвта. Многу е важно да се одржуваат нормални нивоа на холестерол и триглицериди во крвта бидејќи се ризик фактори за атеросклероза која го зголемува ризикот од срцев удар, мозочен удар и кардиоваскуларни заболувања.
Покачен холестерол и триглицериди предизвикани од зголемен внес на калории и седечки начин на живот!
На вашите прашањата еднаш неделно ќе одговара д-р Васко Хаџиев
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Veke nekolku godini vo intervali mi se javuva ekcema na liceto (obrazite, celoto okolu vegitables i nosot). Imam problem so sinusite. Dali dvete nesta koleriraat i kakvi ispituvanja da napravam? Edinsteno pocnav na svoja raka da zemam ceterezin i nekako e pod kontrola, no sepak e jasno vidliva ekcemata. Vi blagodaram.
Добар ден Емилија, Вашето прашање не е поставено на соодветна тема и мојот одговор би бил премногу општ. Би Ве замолил за да добиете одговор од стрчноп лице истото прашање да го поставите на следнава тема: http://pharmanews.mk/akni-estetski-ili-zdravstven-problem/
Здраво Докторе,
Имам 35 години и работам во канцеларија. Откако ми најдоа зголемен холестерол почнав да пазам на храна, но сакам да се напијам некоја чаша алкохол но и тоа е ретко. Немам време за вежбање, ама ете пробувам проблемот да си го решам со правилна храна. Дали е доволно и што би ми препорачале како диета?
Начинот на исхрана може да влијае на севкупниот кардиоваскуларен ризик. Оттука правилниот и избалансиран начин на исхрана, но и севкупниот начин на живот, треба да бидат темел за превенција од кардиоваскуларни заболувања. Препорачувам концепт на “Медитерански” тип на избалансирана и шаренолика исхрана (DASH). Истата се состои од повеќе оброци со различна и шаренолика застапеност на повеќе компоненти, индивидуално комбинирани, и тоа зголемен внес на свежо овошје и зеленчук (по 2-3 единици од секое), легуминозна храна, полнозрнести производи, несатурирани масти (особено маслиново масло) и морска риба, умерено конзумирање на алкохол (посебно црвено вино) и помала (поретка) употреба на црвено месо, високо мастни млечни производи и сатурирани масти особено присутни во процесираната и конзервирана храна и редукција на употреба на сол до 5 гр./ден. Алкохолот треба да биде ограничен на две пијачки (20 г/ден алкохол) за мажи и една пијачка (10 г/ден алкохол) за жени со целосна апстиненција кај хипертриглицеридемии.
Што се оденсува до физичката активност, седентерниот и „канцелариски“ начин на живот се глобален светски проблем, оттука доколку не постојат услови за подолготрајно редовно вежбање и спорт, се препорачува примена на мултипни краткотрјани физички активности од барем 10 тина минути на побрзо пешачење или качување по скали, повеќе пати во денот, индивидуално организирани.
Здраво, Имам 42 години и имам висок холестерол. Не сум љубител на апчиња и верувам во народна медицина и хомеопатија. Не сум љубител на вежбање. На сабајле пијам процедено пченкарно брашно за намалување на холестеролот, ми го кажаа како делотворен лек. Исто слушнав дека помагало и ленено семе. Кој е вашиот совет.
Пред да се отпочне со било каква стратегија за борба со покачениот холестерол, треба да се исклучат и лекуваат најчестите секундарни (органски) причини за негово покачување, како тироидна дисфункција, нефротски синдром и хронична бубрежна инсуфициенција, холестатско оштетување на црниот дроб, екцесивно конзумирање на алкохол, дијабетес, обезност и некои лекарства. Исто така треба да се процени иницијалниот кардиоваскуларен ризик, според SCORE моделот, кој ќе ни биде водич за идно превземање на терапевтски мерки (конзервативни или медикаментозни). Отако ќе бидат исклучени овие причини, се применуват мерки на променет стил на живот и исхрана (објаснати погоре), и при евентуален неуспех или комплементарно, во зависност од нивоите на холестеролот, кај пациенти со нисок или просечен ризик без таргет органско оштетување, може да се додаде препарат од екстракт од црвен ориз и артичока (Hartikol), за коj и научно постојат докази за неговата ефикасност кај оваа категорија на индивидуи.
Почитуван докторе, имам 39 години и работам како шофер во Градски превоз.Имам 105 кг и од пред две години пијам таблети за покачен крвен притисок кој сега ми е нормален, но на последната крвна анализа ми најдоа покачен вкупен холестерол и триглицериди малку над нормалните вредности. Уште не сум бил на лекар,па може ли вие нешто да ми препорачате диета или природни препарати за намалување на маснотиите?
Согласно Вашиот клинички и лабораториски профил исполнувате критериуми за присутво на метаболен синдром, кој е корен на многу кардиоваскуларни и интернистички заболувања, и кој го поместува повисоко Вашиот иницијален кардиоваскуларен ризик. Прво треба да се употребат антихипертензивни лекови кои се „метаболно неутрални“ и заедно со променетиот стил на живот (објаснет погоре) и исклучување на таргет орган оштетување, при немање на ефект, следно, би можело да се применат иницијално препарати од екстракт од црвен ориз и артичока (Hartikol)
Добар ден докторе, јас сум жена домаќинка на 45 години,досега сум немала посериозни здравствени проблеми,но пред две недели ми најдоа покачен холестерол (5,8).Не осеќам никакви проблеми со здравјето ама ми рекоа дека холестеролот е опасен по срцето ако не се преземе нешто на време.Какви лекарства би ми препорачале вие?
Покачениот холестерол на подолг рок може да биде сериозен ризик фактор за кардиоваскуларни заболувања. Согласно Вашиот иницијален кардиоваскуларен ризик (SCORE), препорачуваме хигиено-диететски режим, заедно со промена на стилот на живот, согласно погорните препораки, и доколку тоа не е доволно, или сакаме да постигнеме побрз ефект на овие мерки, кои се основа на секое лекување на дислипидемите, можеме истото да го надополниме со препарат од екстракт од црвен ориз и артичока (Hartikol).