Споделете со пријателите!
Цела година го исчекуваме годишниот одмор. И токму кога ќе се упатиме кон посакуваната дестинација, одморот може да се претвори во вистинска ноќна мора затоа што не сме навикнати на целодневно сонце, плажа, инсекти, поинаква исхрана и поинакви хигиенски стандарди. Статистиката говори дека секој човек, на годишен одмор, просечно е болен два до два и пол дена. Затоа, многу е важно добро да се подготвиме пред патувањето и да понесеме: лекови, медицински заштитни материјали и медицинска козметика.
Промената на климатските услови, храна, вода, кревет при патувањата честопати може да предизвикаат бројни нарушувања на дигестивниот систем.
На вашите прашањата еднаш неделно ќе одговара д-р Билјана Јованоска
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
кој е најдобар пробиотик да се понесе во патна аптека за 2,5 годишно дете?А кој за 3 месечно бебе? И од која возраст може да се даваат пробиотиците ако бебето е само на доење?
Пробиотиците се добри непатогени бактерии кои нормално се наоѓаат во цревата на човечкиот организам. Пробиотик кој има направено најмногу клинички студии преку кои е докажано неговото благотворно дејство кај доенчиња и мали деца е Lactobacilus Rhamosmus Sp1 и апсолутно може да го земаат новороденчиња и мали деца. На македонскиот пазар постои таков пробиотик кој во себе содржи и витамин Д3 кој е одличен избор при превенција на стомачни тегоби и создавање на имунитет кај децата. Во однос на поголемите деца корисна може да биде и комбинација од S.Boulardii и ОРС со која ќе се стопира дијареата и ќе се рехидрира организмот.
imam problemi pri sekoe patuvanje , zemajci vo predvid deka sum od veles a rabotam vo kavadraci togas cestata stolica mi e ogromen problem ….edinstveno pred patuvanje mi se javuva cesta stolica , pretpostavuvam deka e od psiholoska priroda
Почитуван Г-дин Тончаров,
Причините заради која се јавува оваа состојба би можеле да бидат повеќе меѓу кои и одговор на вашиот организам кон псичички стрес и напнатост заради честите патувања. Иритбилен колон или нервозни црева е болест на современиот човек и во денешни услови представува едно од најчестите гастроинтестинални (стомачни заболувања) во клиничката пракса. По правило би требало да се исклучат други причини со лекарски преглед, а главна цел на лечењето на оваа состојба е да се воспостави рамнотежа на нормалната работа на цревата. Би можеле да направите мали промени во режимот на исхрана. Се препорачува внесување на многу течности, избегнување на пржена и зачинета храна и внесување на додатоци во прехрана кои во себе содржат пробиотици, витамин Б6, Цинк и екстракт од нане и камилица. Горе наведенaтa комбинација на состојки е од голема корист при појава на оваа состојба бидејќи од една страна делува противвоспалително, а од друга страна го стабилизира метаболизмот и ја стопира дијареата.
Почитувана докторка,имам две деца (5-шна ќерка и 8-шен син). Кога одиме на одмор по пат редовно повраќаат, и добиваат пролив уште првиот ден кога ќе пристигнеме.Тогаш им даваме антибиотик и б комплекс но проливот пак трае неколку дена. Има ли нешто поефикасно, а може ли нешто да се прима и претходните денови како превентива. Благодарам однапред.
Почитувани, повраќањето при патување кај деца често се јавува и е познато како „motion sickness“ кое настанува заради тоа што мозокот прима конфликтни информации од внатрешното уво каде се наоѓа и центар за рамнотежа. Деца од 2 до 12 години се посебно подложни и не се знае точна причина зошто е тоа така. Сепак постојат некои практични совети кои би можеле да ги примените. Доколку е кратко патувањето нека не внесуваат храна или ако тоа го прават нека бидат некој крекери, обезбедете добра вентилација во автомобилот за да нема силни мириси, и потрудете се да го одвлечете вниманието на децата со пеење песни и разговори. Додека се возат не е пожелно да гледаат во телефони или некој друг електронски уред туку во предмети надвор пред колата. Постојат лекови против повраќање (Драмамин) за кои треба да се консултирате со вашиот матичен педијатар.
Дијареа која се јавува при патување е доста честа појава. Профилактично давање на антибиотици ги заштитува вашите најмили од бактериски причинител но со тоа не се заштитени од вирусна инфекција а во едно им ја нарушувате цревната флора дополнително и ги прави по податливи на инфекции на некој резистентен причинител. Затоа би ви препорачала да им давате пробиотици (најдобро комбинирани со цинк, витамин б6, нане И камилица) една недела пред да започне патувањето и ако се случи повраќање бидејќи постои ризик од дехидратација се препорачува ОРС раствор кој во себе содржи дополнително пробиотик „Saccharomyces boulardii“. Во принцип ОРС растворот помага вашите деца да не децидираат . Од друга страна со пробиотикот „Saccharomyces boulardii “ има направено многу клинички студи со кои е потврдена неговата ефикасност за појава на дијареа при патување.
Веќе подолго време сме на патување и имам 15 годишна ќерка која веќе неколку години има нередовна столица и хемороиди од кој последниве неколку дена се жали многу, нејзината состојба претставувам дека е и психолошка бидејќи не сака да оди во тоалети кој биле претходно користени. Она има проблеми со одењето во вц дома едвај еднаш до два пати неделно оди со големи маки и кога ќе ја изврши нуждата секој пат се жали на хемороидите па ја мачкам со маст од невен тоа ја смирува но овој пат не е така воопшто не поминуваа нејзината болка. Веќе не е излезена по голема нужда 13 дена незнам што да правам бидејќи сме во странство. А кога пробува да оди од голем напон почнуваат да ја болат хемороидите. Не верувам дека е од храната бидејќи секакви манџи јаде и пие многу течности физичка активност има и не знам што е. Ве молам како загрижена мајка да ми кажете што да правам. Благодарам однапред.
Почитувана, Проблемот кој го има вашата ќерка се нарекува констипација или опстипација и е доста чест проблем кој може да има сериозни компликации ако трае подолго време. Причините поради кои се јавува се повеќе како што е иритабилен колон, неправилна исхрана и недоволно течности кое што во вашиот случај според она кое вие го кажувате не е причина, но одлагањето на потребата за одење во тоалет и редовно празнење на цревото како и болката заради хемороидите кои пак може да се последица на опстипацијата прават да дојде до овие проблеми. Она што би требало да го направите е да се обратите до најблиската аптека и да побарате лаксатив на база на лактулоза во комбинација со кора од крушина, а за да комплетно се нормализира цревната флора може да дадете пробиотски препарат кој во себе содржи и камилица и нане како додаток кои имаат антиинфламаторен и смирувачки ефект. Покрај ова исто така важно е да пие течности 2 литри дневно да се движи повеќе и да продолжите да давате течна храна. Доколу оваа ситуација продолжи и понатака и има гадење и повраќање тогаш би ви препорачала да се обратите на специјалист гастроентеролог и подетално ќе ги разгледа причините за појавата на оваа состојба.