Споделете со пријателите!
Дијареа во раното детство е второ најчесто пореметување веднаш по респираторните инфекции. Најчесто се јавува кај деца на возраст од 1 до 3 години. Проливот брзо може да доведе до дехидратација, особено кај децата кои повраќаат. Затоа е клучно да се изврши рехидратација на организмот.
На вашите прашањата еднаш неделно ќе одговара Прим. д-р Жаклина Шопова
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Почитувана докторке, веќе три дена пијам амоксиклав и заедно со него Провен. Уште вчера ми се јави силен пролив. Дали треба да го прекинам антибиотикот или да променам нешто во исхраната? Благодарам однапред!
Почитувана Сања, многу често за жал антибиотикот може да индуцира појава на пролив, па во тој случај потребно е истиот да се прекине, да биде заменет со друг, доколку за тоа постои индикација, па затоа треба да се јавите кај својот лекар. Добро е што сте започнале со антибиотикот да земате и пробиотик, кој не треба да го консумирате истовремено, едно по друго, туку е потребно најмалку 1 час после земањето на антибиотик да се земе пробиотикот. Што се однесува за исхраната истата треба да ја адаптирате спрема состојбата.
Поздрав докторка, имам гнојна ангина и матичната ми препиша сумамед 6дена и пробаланс. Во аптека ми рекоа да не трошам пари за пробиотикот не ми треба и јас пијам само сумамед веќе два дена. Од вчера имам мачнина во стомакот а сабајлево добив и пролив. Дали може да е од антибиотикот?
Од Вашето излгање, можам да проценам дека Вашиот матичен лекар Ви ординирал адекватна терапија, надополнета со пробиотик кој секако дека треба да го примате. Вработените во аптека, кои се фармацевти едуцирани за лекови во слободна продажба, но и за лекови кои се препишуваат од страна на лекар, треба да го почитуваат ординираното од страна на лекарот, кој врз основа на преглед на пациентот и своето познавање за лековите, ординира терапија.
Почитувана докторка, пред два дена почнав да пијам антибиотик затоа што бев настинат, со болки во грлото,омалаксаност и стомачни тегоби.Немам никакво подобрување, напротив добив и пролив.Дали да го прекинам антибиотикот или да земам и нешто друго ?
Почитуван Владо, антибиотикот кој го земате заради „настинка“ како што велите, треба да го прекинете, со оглед да настинките кои се воглавном предизвикани од голем број на вируси не се лекуваат со антибиотик. Што се однесува за проливот, потребно е: соосдветна исхрана, внес на течности збогатени со електролити, но и со пробиотик од типот на Saccharomyces boulardii кој му потпомага на организмот да се отстранат таканаречените лоши (патогени) бактерии или вируси, брзо обновување на нормалната цревната флора, и регулирање на имунолошкиот одговор. Дозата на овој препарат кој на пазарот може да се најде во форма на прашак е во зависност од возраста.
Здраво докторка, имам стомачни проблеми цела недела, најверојатно од храна.Докторот ми препиша Лидаприм и Бкомплекс, но проливот не поминува.Имам 3-4 течни столици на ден, иако внимавам и на исхраната.Каква терапија ми препорачувате вие?
Почитуван Панче, велите дека внимавате на храната, а од матичниот Ви е ординирано антибиотик и витаминска терапија. Би Ви препорачала да земате пробиотик, со кој ке ја подобрите нормалната бактериска флора во цревата, кој во својот состав има витамин Б6, цинк, но и екстркт од нане и камилица. кои благотворно делуваат на системот за варење. Би Ве советувала да го прекинете антибиотикот, да внесувате доволно течности збогатени со електрoлити, како и да продолжите со адекватен диераен режим: бистри супи, варен ориз, печен или варен компир, сок од јаболко и морков, печена јаболка, банана, двопек, гризини..Доколку и покрај ова не се подобри состојбата ке треба да се направат соодветни иследувања во соодветни здравствени институции.