dali-medicinskite-sestri-vo-idnina-ke-bidat-roboti_image
Споделете со пријателите!

Јапонците развиваат модел на роботи што ќе ја вршат функцијата на медицински сестри на иднината. Но, кои се предностите, а кои се опасностите од овој вид „модернизација“ на медицината?
Иднината на медицината покрај вметнувањето на микрочипови под кожата, користењето бранови коишто електрично го стимулираат мозокот за да се излечи од ментални болести, како и употребата на наносензорите во дијагностичката медицина, најверојатно ќе го намали бројот на медицински работници.

Дали ќе исчезне професијата медицинска сестра?

Конкурентските компании Тојота“ и „Хонда“ ја прошируваат нивната стручност во механичкиот инженеринг, со развивањето на следната генерација роботи медицински сестри. Компаниjaта „Тојота“ создаде медицински помошник наречен Робина – моделиран според Роузи – дадилката-робот и куќната помошничка од цртаниот филм „Д Џетсонс“. Овој робот е дел од „Партнер робот фемили“ – Partner Robot Family – линија роботи што е наменета за грижа на растечката геријатриска популација.

dali-medicinskite-sestri-vo-idnina-ke-bidat-roboti_image1Робина е „женски“ робот кој тежи 60 килограми, висока е 1,2 метри и може да комуницира со зборови или гестови. Облечена е во бело метално здолниште кое треба да асоцира на медицинска сестра. Нејзиниот „брат“ Хуманоид служи како мултинаменски домашен асистент. Тој може да ги мие чиниите, да се грижи за вашите родители кога тие се болни, а двата роботи знаат да да свират на инструмент – едниот робот свири на виолина, а другиот на труба.

Како одговор, компанијата „Хонда“ го создаде роботот АСИМО (ASIMO – the Advanced Step in Innovative Mobility robot) потполно функционален хуманоид што изгледа како астронаут заглавен на земјата со висина од над 1,2 метри.

Овој робот е доволно софистициран за да ги интерпретира човечките емоции, движења и разговори.

Поседува камери кои му служат како очи, тој може да одговара на прашања со движење или со зборување и да следи гласовни команди, како и да се поздравува. Старите пациенти со АСИМО имаат помошник што ќе им помогне да станат од кревет, а со него ќе можат да разговараат.

Многу други јапонски компании исто така го следат овој тренд во развојот на роботи. „Токаи Рабер Индустрис“ – Tokai Rubber Industries во соработка со Јапонскиот истражувачки институт „РИКЕН“ го претстави роботот РИБА (RIBA – Robot for Interactive Body Assistance). Овој робот може да подигнува и да легнува пациенти со тежина до 80 килограми и дизајниран е според потребите за удобност на пациентите. Изгледа како огромно насмеано мече со мека „кожа“.

Прочитајте:  Музиката е лек за оперираните пациенти

Дали роботите навистина можат да ги заменат луѓето во сферата на негувањето на постарите лица?

Како што пренесува Linkedin роботите колку и да се софистицирани, тие сè уште не можат да одговорат на одредени технички предизвици. Тие не можат да извршат одредени нужни функции, како на пример грижа за интимната нега на пациентите – капење или миење заби.

Од друга страна пак, компаниите што одлучиле да ги произведуваат овие роботи заборавиле на еден важен елемент од негата на старите пациенти, а тоа е емоционалната врска.

Професорката од социјални науки и научни технологии Шери Тркл – Sherry Turkle од Институтот за технологија во Масачусетс – Massachusetts Institute of Technology се прашува дали пациентите ќе можат да бидат во можност да оформат вистински емоционални конекции со роботските ликови. „Ако планираме вештачкото дружење да биде нашата нова нормалност, ќе треба да се промениме и во тој процес ние ќе ги промениме човечките вредности и човечките врски“ – истакнува професорката Тркл.

Таа објаснува дека доколку роботските медицински сестри масовно се прифатат, тие можат да создадат дури и голема разлика помеѓу помладите и постарите генерации. „Младите луѓе треба да слушаат. Ние покажуваме многу мала заинтересираност за она што нашите постари сакаат да го кажат. Ние градиме машини што буквално ќе прават нивните приказни да бидат слушани од страна на глуви уши“ – додава таа. Покрај недостатоците што ги поседуваат овие медицински роботи, јас сметам дека тие се од голема помош за медицината и го ослободуваат човекот барем од дел од обврските.


Споделете со пријателите!