piti-so-pechurki-i-tikva_image
Споделете со пријателите!

Пробајте нешто ново и уживајте во вкусот на тиквата во комбинација со печурки 
Кога ќе купите на пазар тиква од 6 кг., од неа можете неколку пати да направите пита, колач, мафини, супа, салата или смути. Можете и да замрзнете дел од пирето од тиква за правење колачи кога тиквите ќе ги нема на пазар, а можете да пробате и нешто ново, како овие солени пити со тиква и печурки. Тестото лесно се развлекува тенко, а кога ќе се испече е крцкаво од афионот, а филот е повеќе или помалку слатко-солен, во зависност од тоа колку е блага тиквата.

  • 2 шољи сенаменско брашно;
  • 1 лажиче сол;
  • 2 лажици афион;
  • ½ лажиче мелен црн бибер;
  • 1 јајце;
  • 1 белка (жолчката зачувајте ја за премачкување, измешана со малку вода);
  • ¼ шолја ладна вода;
  • ¼ шолја маслиново масло. 

Ставете ги парчињата тиква, кромидот, печурките и лукчето во тавче, прелијте ги со малку маслиново масло, ставете сол и бибер и печете ги во загреана рерна на 180°C, околу 25 минути, или додека тиквата не омекне. Додека зеленчукот се пече, направете го тестото.

Помешајте ги брашното, солта, црниот бибер и афионот. Додајте ги јајцето, белката, маслото и водата и убаво измешајте со вилушка да се спои сето тоа во тесто. Додајте брашно или вода ако е потребно. Ставете го тестото во фрижидер додека зеленчукот не се испече и олади, или направете го ден-два порано и чувајте го во фрижидер.

Кога зеленчукот малку ќе се олади, додајте му гарам масала (или друг зачин по желба) и сол и бибер (ако е потребно) и промешајте го.

Поделете го тестото на 4 дела (или на повеќе, за помали пити) и секој исукајте го тенко во квадрат од околу 20 см. Ставете по ¼ од филот во средина на секоја кора и премачкајте ги краевите на тестото со изматената жолчка. Префрлете две спротивни ќошиња врз филот и спојте ги во средината. потоа префрлете ги другите две ќошиња и притиснете ги ивиците да се спојат.

Прочитајте:  Шпагети со печени модри патлиџани

Наредете ги питите во големо тавче обложено со хартија за печење, премачкајте ги со изматената жолчка и печете ги во загреана рерна на 180°C околу 25 – 30 минути, или додека кората не се зарумени убаво.

* рецептите со во целост преземени од ситно сецкано


Споделете со пријателите!