choko-rolni_image
Споделете со пријателите!

Овој викенд направете вкусни чоко-ролни полни со чоколадо 
Можеби нема потреба да ги објаснуваме овие ролни. Тие се меки, мирисни, како да поминувате покрај пекара и полни со чоколадо. Можете да ги направите за појадок или вечера, секако добро ќе ви дојдат. 

За тестото:

  • 120 мл млако млеко;
  • 50 г шеќер;
  • 5 г сув квасец;
  • 1 јајце;
  • 250 г брашно;
  • 1/4 лажиче сол;
  • 3 лажици сончогледово масло.

За филот:

  • 50 г кафеав шеќер;
  • 100 г темно чоколадо;
  • 3/4 лажиче мелен цимет;
  • 1/3 шолја какао;
  • 45 г путер, на собна температура.

Тестото може да го месите со миксер, со додатоци за тесто, ама можете и рачно. Ставете ги сите состојки за тестото во вангла и месете ги додека не добиете убаво мазно тесто. Потоа покријте ја ванглата со крпа и оставете го тестото да расте на топло место, еден до два часа, или додека не нарасне дупло.

За филот употребете сецко. Прво пуштете го да го исецка чоколадото со шеќерот, циметот и какаото, а потоа додајте го путерот и промешајте сé.

Врз побрашнета површина исукајте го тестото во голем правоаголник, отприлика 20 x 30 см. Посипете го со филот и замотајте го во ролат. Исечете го ролатот на 12 парчиња и префрлете ги во тавче за мафини убаво намачкано со путер, или во обично тавче. Покријте го тавчето со крпа и оставете го половина час да стои, пред да ги ставите ролните да се печат во рерна загреана на 180˚C. Печете ги околу 15 минути, а потоа оставете ги малку да се оладат, ама послужете ги топли.

Прочитајте:  Сосови кои ги топат килограмите

* рецептите со во целост преземени од ситно сецкано


Споделете со пријателите!