pametnite-fantomi-se-mnogu-potrebni-vo-medicinata_image
Споделете со пријателите!

Како што овие високо-технолошки фантоми се усовршуваат, младите лекари стануваат сè повешти практично да ги применат на живи пациенти
Професорот Хари Овен – Harry Owenод Факултетот по медицина од Универзитетот Флиндерс, кој воедно е лекар и истражувач, изминативе 20 години употребува напредни кукли и модели за детално да им ја претстави човечката анатомија на своите студенти по медицина. Со помош на високо-технолошките фантоми тој ги учи студентите за разновидните медицински и хируршки процедури. Неговиот интерес за технологијата проф. Хари го искористи во медицинското образование и го доведе да напише илустрирана историја за медицинските фантоми наречена „Симулација во здравственото образование“ – Simulation in Health Care Education

„Модерните симулатори користат напредна технологија“

Професорот Хари објаснува дека последниве 25 години се случил неверојатен пораст во употребата на симулацијата во раните стадиуми на медицинскиот тренинг. Тој вели дека модерните симулатори често користат највисоки нивоа на напредната технологија што им овозможува на професорите по медицина да симулираат различни здравствени состојби и симптоми, а на студентите им овозможуваат реалистичен одговор.

pametnite-fantomi-se-mnogu-potrebni-vo-medicinata_image2„Медицинските факултети повторно ги сфаќаат придобивките од овозможувањето на студентите да ги учат основите на ризичните и инвазивни процедури без да се изложат на ризик пациентите. Ваквата симулација има додатни придобивки од обучувањето на студентите за третирање на состојби или болести кои што тие можеби никогаш нема да ги видат кај живите пациенти за време на обуката“ – истакнува проф. Овен.

Зошто да се загрозуваат бесценетите животи на пациентите, кога идните лекари можат да се обучуваат на кукли?

За време на праксата врз живи пациенти, вообичаено е почетниците да прават повеќе грешки отколку добро обучениот и искусен кадар. „Денес можеме да идентификуваме пациенти кои биле повредени или починале и продолжуваат да бидат повредувани, затоа што симулацијата не е усвоена во здравството како во областите како што е авијацијата“ – додава проф. Хари. Тој е воодушевен од тоа дека пронаоѓачите и производителите на модели и симулатори покажале извонредна имагинација и оригиналност во создавањето на имитацијата на човечката анатомија и физиологија.

Прочитајте:  Хороскопските знаци на Олимпијада

Медицинските фантоми се користат од многу одамна 

Како што објаснува во својата книга, едноставните медицински модели за учење датираат од многу одамна уште од Вавилон, а златната ера на медицинските фантоми започна во пост-ренесансната Европа, управувана од страна на растечките анатомски и научни сознанија. Илустрациите во неговата книга ги откриваат деталите на моделите на тела и делови од тела најчесто направени од разни материјали: хартија, метал, гипс и дрво.
pametnite-fantomi-se-mnogu-potrebni-vo-medicinata_image1

Во 17 и 18 век, восокот стана омилениот материјал и покрај недостигот на крв во ваквите модели, тие постигнале извонреден степен на веродостојност. Еден восочен модел на вивисецирана бремена жена во ран стадиум на бременоста, бил до таа мера реалистичен така што подоцнежните генерации на доктори биле во можност да ја идентификуваат срцевата состојба што била причина за нејзината смрт, која што не била позната за лекарите во нејзиното време.

Во 19 век започнала да расте контроверзијата околу тоа дали акушерските операции треба да се практикуваат користејќи мртовци или вештачки симулатори.

Проф. Овен објаснува дека сè додека важноста од миењето раце не била сфатена сериозно, многу новороденчиња умирале кога студентите по медицина асистирале за време на породувањата, затоа што биле обучувани на трупови од жени и деца. Распространетата употреба на симулатори во медицинското образование се намали во 20-тиот век, кога пораспространета била употребата на пациенти во обуките на студентите и тоа најчесто без нивно знаење. За среќа, фантомите се повторно нашироко распространети по медицинските факултети и тие се подобри од кога и да е.

ВИДЕО:


Споделете со пријателите!