Како до мирен и целовечерен сон кога патувате
Мирниот сон е предуслов за човечкото здравје, работоспособност и добро расположение. Но современиот човек под притисок на секојдневните обврски, стресот и постојаното брзање, неконтролираниот внес на никотин и кофеин, многу често пати од несоница.
Вообичаени критериуми за несоница се: повеќе од 30 минутно време потребно за заспивање, спиење помалку од 6 часа, будење повеќе од 3 пати во текот на ноќта, спиење со слаб квалитет.
Промени и пореметувања во вообичаениот тек на спиење многу често можат да настанат и како резултат на честите патувања, и тоа повеќето професионални како што е случај со менаџерите. Луѓето кои често патуваат, особено поради тоа што работата тоа им го наложува, го губат квалитетот на сонот уште пред поаѓањето на пат најчесто поради мисловниот процес кој ја оптоварува личноста и предизвикува анксиозност поврзана со „она што ја очекува“, дали ќе биде се во ред со патувањето, дали ќе се стигне на време, какво ќе биде сместувањето, дали работата ќе се заврши успешно, дали за време на отсуството ќе биде се во ред со семејството итн.
Откако ќе заврши патувањето и напорниот ден, несоницата продолжува и по сместувањето во хотелската соба, кога и покрај заморот се случува да легнеме и да не можеме да заспиеме. Без разлика дали нашиот ден бил исполнет со работа или уживање, повеќето од нас имаат потешкотии да заспијат додека се на некаков пат. Инсомнијата за време на патување може да настане од многу причини, вклучувајќи jet lag (патувачка „болест“ – клинички синдром односно состојба која се јавува како одговор на пореметените физиолошки и биолошки ритми поради минување повеќе временски зони), промена на креветот, чувството на непријатност што не сте во сопствениот кревет каде што сме навикнати да спиеме и сл.
Несоницата кај овие луѓе се јавува и поради некои психо-физиолошки моменти како што се стресот и заморот предизвикан од честите патувања, промена во биоритамот, стравот од непознатото во новото место, итн.
Како тип на несоница која се појавува кај луѓето кои често патуваат е акутната (краткотрајна) несоница која вообичаено е минлива и се поврзува со привремени пречки во вообичаениот начин на спиење кои завршуваат отако ќе заврши патувањето или пак периодот на патувања. Но, никако не смее да се занемари фактот дека повремената несоница многу лесно може да стане хронична. Зошто? Несоницата, особено доколку често се јавува, може да биде силно фрустрирачка состојба, затоа што ненаспаниот човек не може да го одмори ниту телото ниту умот, што понатаму резултира со недостаток на енергија и неспособност за извршувањто на обврските кое повторно „нѐ фрла“ во несоница.
Добар почеток за борбата против несоницата може да биде употребата на методи кои ќе ги користиме дома, а ќе ни овозможат да си осигураме добар ноќен сон, како: лимитирање на дозата на кофеинот и алкохолот, спиењето во соба без електронски уреди и вежбање во текот на денот. Изложеноста на светлина за време од 30 минути во новото утро по пристигнувањето на дестинацијата, може да помогне во прилагодувањето на новата времеска зона.
Како еден од најуспешните и природни суплементи кој се користи за третман на jet lag е мелатонинот. Овој хормон природно се лачи во нашето тело, најчесто во темница пред да заспиеме. Резултатите од истражувања направени со волонтери кои патуваат неколку временски зони сугерираат дека 1 мг мелатонин помага во подобрување на сонот. Мелатонинот во комбинација со екстрактите од валеријана и маточина има дополнителен смирувачки ефект и овозможуваат целовечерен сон.
Капсулите Dormirin, освен што овозможуваат поквалитетен сон, го подобруваат расположението, конгитивните способности и меморијата. Овие капсули се особено ефективни за воспоставување на нормалниот циклус, односно ритам на спиење и будење кога тој ќе се поремети при чести патувања и нивната предност е што не предизвикуваат навикнување како кај класичните фармацевтски лекови како што се седативите.
