Споделете со пријателите!
Отворен првиот саем за Health, Fitness & Wellness во Скопје
На 25 септември 2015, Александар Палас местото каде што на едно место се собраа љубители, приврзаници и поклоници на живеењето здраво. Во преполната сала изложувачи и посетители имаше од сè по нешто, од фитнес рутини, спортски и медицински помагла, справи и техники на вежбање а богами и добар избор на здрава храна и пијалоци. Организаторите се погрижија за првпат во Македонија на сите да им понудат еден поздрав и подобар пристап во начинот на живеење. Една манифестација вредна за споменување и поздравување. Тимот на PharmaNews.mk се надева дека ова е само првиот од многу вакви настани во Македонија. По отворањето на саемот, присутните имаа можност и да присуствуваат на несекојдневен настан, на кој Strongman Милан само со силата на своите бицепси преполови телефонски именик. Целиот настан е концептиран да биде една голема интерактивна работилница на здрав живот, нешто што не се објаснува, туку се доживува. Затоа повелете и дел од вашиот викенд поминете го овде, во Александар Палас на Health, Fitness & Wellness саемот.
Споделете со пријателите!
