Споделете со пријателите!
Еден ресторан во Лондон нуди комплет помагала за да ви помогне да ја направите најдобрата инстаграм фотографија од вашиот ручек
Запрашајте се на кој начин доаѓа до вас информација за новоотворено место во градот. Во најголем број случаи, тој начин е преку социјалните мрежи, а најмногу Инстаграм, местото кадешто најмногу се фотографира храна. Имајќи го ова на ум, еден нов лондонски ресторан, својата бизнис и маркетинг стратегија ја развива во оваа насока. За што станува збор?
Имено, ресторанот Dirty Bones во Сохо во Лондон, на посетителите им нуди комплет помагала за Инстаграм со цел тие да го направат совршениот кадар од нивниот ручек. Комплетот нуди дополнително LED осветлување, широкоаголна леќа којашто може да ја поставите на вашиот телефон, полнач, селфи стик и статив.
Почнувајќи од интериерот, декорот, изборот и сервирањето на храна, овој ресторан е создаден првенствено за инстаграм корисници. Тој целосно се приклучува кон моментално најголемиот тренд на Инстаграм – правење вистински уметнички фотографии чијшто фокус е храната.
Споделете со пријателите!
