Македонскиот министер за здравство Никола Тодоров се сретна со колегите од Република Словачка и на Кралството Холандија
Вицепремиерот и министер за здравство Никола Тодоров, на маргините на вчерашниот неформален состанок на министри за здравство, кој се одржува во Братислава, имаше билатерални средби со министрите за здравство на Република Словачка и на Кралството Холандија, Томаж Друкер и Едит Шиперс.
На средбите, како што соопшти Министерството за здравство, се разговарало за продлабочување на меѓусебната соработка и размена на искуства во повеќе аспекти на здравствената заштита, особено од аспект на можностите за обука и стручно доусовршување на македонски доктори во земјите-членки на Европската унија, како и можностите за работни посети на странски доктори во Македонија со цел да ги пренесат своите знаења и искуства во различни медицински области.
Посебен фокус на средбата со словачкиот министер за здравство бил ставен на размена на искуства од успешните проекти од двете земји, со што ќе се овозможи проектите кои успешно функционираат во Република Словачка да се имплементираат и во Македонија, и обратно...
Преземено од: Министерство за здравство на Република Македонија
