Споделете со пријателите!
Ако сте љубители на зачинета храна тогаш ќе уживате во овој рецепт
Мигас е име за различни јадења во шпанската, португалската и мексиканската кујна, ама рецептот што го презентираме, повеќе е текс-мекс јадење (јадења со мексикански шмек, популарни во Тексас). Слично е на миш-маш или летна манџа, но позачинето и луто. Најчесто се прави со пржени пченкарни тортиљи, а овде е со полесната варијанта – пченкарен тортиља чипс.
- 3 чешниња лукче, исецкани;
- 1 лута пиперка, на тенки резанки;
- 1 лажиче мелен кумин;
- 3 домати;
- 6 јајца;
- 10-тина парчиња тортиља чипс;
- свеж магдонос.
Во тавче, на средно загреано масло, ставете ги лукчето и пиперката и пржете ги неколку минути додека не омекнат, ама не да добијат кафена боја. Додајте го куминот, промешајте, па ставете ги и доматите, исецкани и пржете го сето тоа уште 4 – 5 минути, со често мешање. Изматете ги јајцата со малку сол во посебен сад и истурете ги врз зеленчукот. Продолжете со пржењето, со постојано мешање, додека јајцата не се скоро зготвени. Tогаш додајте ги тортиља чипсовите и промешајте нежно уште неколку пати.
Послужете ги јајцата со свеж магдонос (или уште подобро, свеж коријандер) и кисела павлака.
* рецептите со во целост преземени од ситно сецкано
Споделете со пријателите!
