Споделете со пријателите!
Денес се одбележува улогата на младите луѓе во подобрување на човековите права и слободи
Заради потребата од активно вклучување на младите во политиките што директно влијаат на нивниот личен и општествен развој, ОН го прогласи 12 август за Меѓународен ден на младите. Овогодишната тема е „Младите го градат мирот“. Овој ден е посветен на одбележување на придонесот на младите кон спречување на конфликти, како и инклузија, социјална правда и одржлив мир. Сегашната генерација на млади луѓе е најголема во историјата и младите често го сочинуваат мнозинството во земјите обележани со вооружен конфликт или немири. Токму затоа, да се земат во обзир потребите и аспирациите на младите на прашањата за мирот и сигурноста е демографска нужност.
Процесот на социјална инклузија за младите, вклучувајќи учество при донесување на одлуки како и пристап кон квалитетно образование и здравствена заштита, ја истакнува нивната улога како активни чинители на општеството и им обезбедува можности за да го достигнат нивниот потенцијал и да ги остварат своите цели.
По повод 12-ти август, Меѓународниот ден на младите, Агенцијата за млади и спорт организира отворен настан – дебата, Градскиот парк (Школка), во сабота (12.08.2017), со почеток во 18:00 часот.
По завршување на дебатата ќе бидат доделени благодарници на младите научници и нивните ментори кои освоија бронзени медали на меѓународните олимпијади по физика, математика, хемија и информатика.
Споделете со пријателите!
