Зошто доаѓа до уринарни инфекции кај децата?
Убодите од медузи се чест и непријатен проблем за луѓето што пливаат во морски води. Медузите имаат долги пипци кои при контакт со нашето тело може да ве инјектираат со отров што резултира со воспалителна реакција.
Изгорениците од медузите често се болни но многу ретко го загрозуваат животот. Симптомите обично се јавуваат пет минути по контактот и траат неколку часа. Притоа тежината на реакција на убодот вообичаено зависи од видот и големината на медузата како и од големината и степенот на изложеност на убодот. Вообичаено посериозни реакции почесто се среќаваат кај децата, старите лица и луѓето со слабо здравје.
Симптоми на убоди на медуза:
- Горење и пецкање на местото на контакт;
- Осип а понекогаш и пликови на кожата;
- Чешање;
- Оток;
- Силна болка која трае неколку минути а се чувствува повеќе часови.
Во потешки случаи може да се појават и:
- Стомачна болка, гадење и повраќање;
- Главоболка;
- Мускулна болка или грчеви;
- Слабост, поспаност, несвестица и конфузија;
- Отежнато дишење;
- Срцеви проблеми.
Прва помош при напад на медуза
Ако на кожата останал некој дел од пипците на медузата, се советува да го отстраните со тап предмет со цел да се стопира изложеноста на отров. Потоа брзо измијте ја раната со морска вода (не со обична вода), па ставете на неа ладна облога (мраз) и држете ја се додека болката/отокот не се намали. Зафатеното подрачје можете да го третирате со оцет, лимон, или течност што содржи алкохол за дезинфекција.
Понатаму за намалување на воспалителната реакција (осипот и чешањето), може да се користат орални антихистаминици и локални кортикостероди како и аналгетик во случај на продолжена болка.
Доколку има повеќе изгореници, или изгорениците се од поголем обем и отокот расте треба да се обратите кај лекар. Лекарска помош е потребна и доколку се појават потешки симптоми (види погоре). Доколку убодот е во близина на очите, добро исплакнете ги очите и побарајте итна медицинска помош од офтамолог.
