Ново истражување им дава валидно оправдување на мажите со стомаци
Мажи, доколку сакате да бидете добри во кревет, заборавете на згодно тело и дефинирани мускули. Опуштете се и напијте се уште едно пиво. Вам ви е научно потврдено дека е подобро да имате стомак, отколку видливи стомачни мускули, барем според новото истражување. Жени, заборавете на романса со згоден маж, бидејќи мажот со стомак ќе ве направи среќни во кревет.
Имено, новото истражување покажува дека мажите со поголеми стомаци се подобри љубовници бидејќи се поиздржливи од мажите со рамен стомак. Турски научници анализирале 200 мажи и го споредувале Индексот на телесната тежина (Body Mass Index – BMI) со нивните сексуални перформанси. Студијата покажала дека мажите со зголемена телесна тежина, со стомак и повисок BMI, имале во просек, сексуален однос со времетраење од 7,3 минути. Слабите мажи во другата група издржале две минути, со голем број на рани ејакулации.
Експертите сугерираат дека повеќе масни наслаги околу стомакот, може да значи дека мажот има зголемено ниво на естрадиол. Естрадиол е женскиот полов хормон кој им помага на мажите да го одложат оргазмот, па затоа при сексуалниот чин се поиздржливи. Сепак, и покрај оваа добра вест за сите мажи со зголемена телесна тежина, дебелината може сериозно да влијае врз здравјето и врз квалитетот на живот.
