Хороскоп за 48ма недела: Надвор е тмурно, бидејќи овој период Сонцето е кај Стрелците. Оваа недела, Овенот и Близнакот ќе се соочат со недостаток од огледала околу нив, но ќе се утешат со добро здравје. Најподложни на настинки ќе бидат Вагите, додека Шкорпиите ќе пукаат од здравје бидејќи сарказмот им служи како природна заштита од луѓе.
Овен
Вие сте понеделник во хороскопот. Не не, не рековме дека никој не ве сака, мислевме бидејќи сте прв знак. Но не е важно, вие и така не прашувате никого за мислење. И оваа недела ќе се соочувате со недостаток на огледала кои треба да бидат сведоци на вашата прекрасна спортска фигура.
Бик
Престанете да си замислувате дека носењето маска ве прави суперхерој. Тоа само значи дека вечно се криете зад маската наречена „сè е под контрола“. А всушност сите забележуваат како го собирате стомакот при фотографирање. Бидете упорни како што сте, продолжете да не вежбате, вие сте совршени.
Близнаци
Ако гледањето во огледало беше спортска дисциплина, вие ќе бевте победници на прво, второ и трето место. Неделава ќе бидете напнати. Ќе посакате да прочитате нешто паметно, па затоа ќе ги отворите сите свои профили на социјалните мрежи и ќе се воодушевувате од мудроста на своите мисли. Светот не ве заслужува.
Рак
Изговорите не трошат калории, за жал. Во ред, знаеме дека не ни верувате, но вие на никого не му верувате. Ве мачат соништа? Тоа значи дека треба да станете од кревет, редно време е.
Лав
Оваа недела, луѓето погрешно ќе ве сфаќаат. Вие се смеете под мустаќ само поради тоа дека до вчера беше Мовембер, а не дека сте зајадливи. Кога на некого му велите дека е дебел, вие всушност мислите дека е полн со љубов. Но и покрај тоа што никој нема да ве сфаќа, вие ќе бидете мета на комплименти. Како и секогаш.
Девица
Дали сте знаеле дека е можно диетата да функционира и без да им зборувате на сите околу вас колку сте здрави? Да, можно е! Јадете си го вашиот лист марула и уживајте во звукот на маснотиите што се топат.
Вага
Природниот чај можеби е добар за вашата настинка која традиционално ве напаѓа овој период, но не признавате дека ви е потребна физичка активност. Потрудете се да вежбате и со другите делови од телото, јазикот и така никогаш не се уморува.
Шкорпија
Во период на настинки, вие пукате од здравје благодарение на сарказмот, кој ви е природен штит од луѓе. Вие сте паметни и ја откривте равенката – нема луѓе, нема вируси.
Стрелец
Вие сте виновни зошто надвор е тмурно, бидејќи Сонцето е во вашиот знак. Ова е ваш месец, не се чувствувајте виновни дека блескате. И оваа недела ви е дозволено да продолжите со изговорот дека хаосот е знак на креативност.
Јарец
Анималноста ќе биде ваша примарна одлика неделава. Ќе работите како коњ, но навечер јарецот ќе излегува на површина. Ќе сонувате за сметка во банка голема колку вашиот дневен внес на калории.
Водолија
Во месечниот хороскоп прочитавте дека оваа недела не треба премногу да се напрегате бидејќи сте подложни на повреди. Вие сте боеми, па затоа вашиот стомак кој ќе се појави од седењето на кауч, е знак на хедонизам.
Риби
Вие сакате да сте ранобудни, но не сте виновни дека утрото се случува толку рано. Но морате да станете од кревет, бидејќи на денот му е потребна ваша помош за да стане непродуктивен.
