Вашето тело има потреба од овие омега-3 масните киселини и витамините Е и Б за да може правилно да функционира.
Омега-3 масни киселини
Кога стануваат збор маснотиите, постои еден тип што не сакате да го намалите – омега-3 масните киселини. Омега-3 масните киселини се појавуваат во три форми, EPA и DHA коишто првенствено се наоѓаат во одредени риби и ALA (алфа-линоленска киселина) којашто се наоѓа во растителните масла, ореви и семиња.
Не само што вашето тело има потреба од овие масни киселини за да може добро да функционира, туку и истите може да помогнат и да придонесат во третманот на многу здравствени состојби и болести. Кои се тие?
Зголемени триглицериди
Додатоците од рибино масло може да ги намалат покачените нивоа на триглицериди. Имајќи високо ниво на триглицериди во крвта може да го зголеми ризикот од срцеви заболувања.
Ревматичен артритис
Додатоци на рибино масло (EPA и DHA) може да ја спречат вкочанетоста и болките во зглобовите. Омега-3 додатоците, исто така, ја зголемуваат ефикасноста на анти-инфламаторните лекови.
Депресија
Некои истражувачи откриле дека луѓето кои јадат храна со високо ниво на омега-3 масни киселини имаат пониски нивоа на депресија. Рибиното масло, исто така, се чини дека ги зајакнува ефектите на антидепресивите и може да помогне во намалувањето на на депресивните симптоми на биполарно растројство.
АДХД
Некои студии покажуваат дека рибиното масло може да ги намали симптомите на АДХД кај некои деца и да ги подобри нивните способности, како што се размислување, помнење и учење.
Витамини Е и Б
Кога стануваат збор, пак, витамините, постојат два типа што сакате да ги вклучите во исхраната. Витаминот Е, важен витамин растворлив во масти, кој е потребен за правилна функција на многу органи, ензимски активности и невролошки процеси и витаминот Б кој, меѓудругото, се поврзува со намалениот ризик од мозочен удар.
Исто како и омега-3 масните киселини, не само што вашето тело има потреба од овие витамини за правилно да функционира, туку и истите може да помогнат и да придонесат во третманот на многу состојби и болести. Кои се тие?
Оштетена кожа
Витаминот Е ѝ помага на кожата со зајакнување на капиларните ѕидови и подобрување на нејзината влажност и еластичноста, делувајќи како природна хранлива анти-стареечка хранлива материја во вашето тело. Истражувањата покажаа дека витаминот Е го намалува воспалението во вашето тело и на вашата кожа, помагајќи да се одржи здрава, младешка кожа.
Покачен холестерол
Кога нивоата на холестерол се во нивната природна состојба, тие се избалансирани, нормални и здрави. Кога холестеролот оксидира, може да стане опасно по целокупното здравје. Некои истражувања покажуваат дека витаминот Е служи како заштитен антиоксидант кој се бори со оксидацијата на холестерол.
Анемија
Од витамините што спаѓаат во групата Б, витаминот Б12 е од суштинско значење за градење на крвни клетки и одржување на здрави нервни клетки во телото. Недостатокот на на витаминот Б12, може да доведе до анемија. Симптомите на анемија вклучуваат слабост, замор, запек, губење на тежината и губење на апетитот. Недостатокот на витаминот Б12 е, исто така, штетен за нервниот систем и може да предизвика депресија, конфузија и деменција.
Мигренаи катаракта
Од витамините што спаѓаат во групата Б, исто така, од голема важност е витаминот Б2, познат како рибофлавин, кој е потребен за да се избегне недостатокот на рибофлавин. Добивањето доволно рибофлавин може да помогне во превенцијата на мигрена и катаракта, а исто така, може да ја зголеми енергијата, да го зајакне имунолошкиот систем и да ги лекува акните, мускулните грчеви и синдромот на карпал тунел.
