Хороскоп за 4-та недела: Прочитајте кој од хороскопските знаци е поголем судија од тој на терен, а кој е подобар тренер, секако тука се и најголемите патриоти и вжештени глави.
Овен
Секогаш доминантни, гласни и еуфорични, тие секогаш прават идеална навивачка атмосфера. Нивно омилено хоби е да победуваат, затоа сериозно го сфаќаат натпреварувањето, па за време на нивното викање, добро е да не им се спротивставувате.
Бик
Тврдоглави и упорни, тие секогаш знаат сè повеќе и од судиите и од тренерите. Не престануваат да зборуваат за време на целиот натпревар.
Близнаци
Карајки се меѓу себе, често знаат да пропуштат дел од мечот, но многу се внесуваат во играта, па на крај се исцрпени и без глас. Нив лесно ги понесува еуфоријата на трибините или од ТВ приемникот.
Рак
Молчат и гледаат, сè дури не избувнат. Тие се оние ликови коишто голи трчаат на терен обидувајќи се да го гушнат омилениот играч.
Лав
Најпосветен навивач, кој кога навива за својата репрезентација, му се будат патриотските чувства. Пазете да не кажете нешто против неговиот тим, бидејќи многу ќе се навреди.
Девица
Сите мислат дека се смирени, но тие се всушност прилично вжештени навивачи. Добро не толку колку Лавот и Овенот. Доколку нивниот тим изгуби не се разочаруваат.
Вага
Вагите веќе анализирале сè, го знаат и исходот на утакмицата а и на целото првенство, но мудро си го чуваат. Не ги пуштајте во обложувалница, бидејќи може да не ги видите повеќе.
Шкорпија
Поразот на тимот за кој навиваат го сфаќаат како лична загуба. Можно е и да заплачат.
Стрелец
Правдољубивите Стрелци се на страната на оној шо е подобар. Лесно влегуваат во дебати и потребен им е добар соговорник кој го познава спортот.
Јарец
Јарците не дебатираат, тие се расправаат со сите околу нив па дури и со телевизорот, често знаат и со пораки преку мобилниот да дебатираат со луѓе кои не им се при рака. Сакаат да се секогаш во право и да се прават паметни зошто тимот победил или изгубил.
Водолија
Во текот на целиот натпревар поважно им е дружењето отколку навиваањето. Бидејќи не го пратат мечот за нив секогаш судијата е виновен.
Риби
Вечните мрчатори, ако нивниот тим губи, тогаш се сите криви од тренер, судија, девојките кој го бришат подот, климатизацијата во салата биле бучна, итн.
