kako-mozheme-da-gledame-bez-nashite-ochi_image
Споделете со пријателите!

Целосна промена во парадигмата за лекување на луѓе со целосно слепило!“
Кај човек со стекнат оштетен вид, визуелниот кортекс на мозокот е типично неоштетен. Сепак, тоа е бескорисен факт, бидејќи тој не може да прима никакви информации преку очите. Во едно медицинско испитување, шест слепи лица успешно делумно го обновиле видот благодарение на ОРИОН, еден нов уред кој ги пласира сликите од камера директно во мозокот. Се наметнува дилемата, дали тие ќе бидат првите од многумина што ќе имаат корист од оваа врвна технологија?

Како е возможно ние да гледаме без очи?

Поради афектирање на нервните импулси од окото односно оптичкиот нерв до центарот за вид, луѓето не можат да ги препознаат дури ни наједноставните форми.

„Со целосно заобиколување на окото, ќе го отворите потенцијалот за многу, многу повеќе луѓе“, изјави хирургот Алекс Шорт од Лондонската Оптегра Очна Болница. „Ова е целосна промена во парадигмата за лекување на луѓе со целосно слепило. Тоа е вистинска порака на надеж“.

Стимулирачка наука

Уредот ОРИОН се состои од два главни делови: имплантација на мозок и сет очила. Имплантот за мозок се состои од вкупно 60 електроди, кои добиваат информации од камера поставена на очилата. Заедно, тие можат да доставуваат визуелни информации директно до мозокот, креирајќи слика и целосно заобиколувајќи ги очите!

„Да се види формата на лицето на сопруга и децата трчајќи во  прегратка, тоа е нешто кое не може да се опише со зборови.“

„Можете ли да замислите да за секое место во видното поле во визуелниот свет, постои соодветен дел од мозокот што ја претставува таа област, таа просторна локација“, објаснува истражувачот Даниел Јошор, неврохирург од Баилор Колеџот по медицина. „И ако ние знаеме како да го стимулираме тој нечиј мозок… на тоа одредено место, би можеле успешно да произведеме перцепција за место на светлина што одговара на таа мапа во визуелниот свет“.

Прочитајте:  Децата треба да си играат надвор за да се спречат сериозни проблем со видот

За да го тестираат нивниот уред, истражувачите побарале од слепите учесници да погледнат црн компјутерски екран додека користат ОРИОН. Кога бел квадрат случајно ќе се појави на екранот, учесниците можеа правилно да посочат на белиот квадрат!

Јошор верува дека ова може да биде само почеток на обновување на видот на слепите пациенти.

„Теоретски, ако имавме стотици илјади електроди во мозокот, би можеле да произведеме една многу богата визуелна слика“, рече тој во соопштението за печатот.

„Помислете на слика што користи точки, еден мозаик каде што илјадници ситни точки се собрани за да создадат една целосна слика. Ние потенцијално би можеле да го сториме истото, стимулирајќи илјадници дамки на окципиталниот дел на мозокот, односно местото кадешто се наоѓа центарот за вид.“ Сепак, дури и во тековната состојба, уредот веќе почнува видно да ги менува животите на слепите луѓе.

„Интересно е да се видат толку многу убавини“, изјави Бенџамин Џејмс Спенсер, 35-годишен учесник во студијата, кој е слеп од своја деветгодишна возраст, истакнувајќи ја неговата нова способност да ја види формата на лицето на неговата сопруга и неговите деца трчајќи до него за прегратка.

Тоа е нешто кое не може да се опише со зборови, па ниту може да се види, само може да се почувствува! Сега можам да видам нешто. Можеби не можам да ја направам целосната слика, но сепак почнувам од нешто, а тоа за мене е многу!


Споделете со пријателите!