Како дел од постоперативната нега, докторот треба да го извести лицето за сите потенцијални несакани ефекти и компликациите што може да се јават по оперативната процедура.
Постоперативна нега е грижата што едно лице ја добива по операција. Видот на постоперативната нега којашто е потребна на едно лице вообичаено зависи од видот на операцијата што тоа ја имало, како и од неговата здравствена историја.
Постоперативната грижа започнува веднаш по извршената операција и трае за времетраењето на престојот во болницата и може да продолжи по отпуштањето од болница. Вообичаено како дел од постоперативната нега, докторот треба да го извести лицето за сите потенцијални несакани ефекти и компликациите што може да се јават по оперативната процедура.
Како да се подготвите пред операција
Многу е важно да се запомни дека пред да правите било каква хируршка интервенција, треба да се обратите кај вашиот доктор за тоа што треба да вклучи постоперативната нега. Ова ќе ви даде време да се подготвите однапред. Прашајте што е можно повеќе прашања пред вашата операција. Некои од прашањата коишто треба да ги поставите се:
- Колку долго ќе се очекува да останам во болница?
- Ќе ми требаат ли некои посебни намирници или лекови кога ќе одам дома?
- Ќе ми треба ли негувател или физиотерапевт кога ќе одам дома?
- Какви несакани ефекти може да очекувам?
- На кои компликации треба да внимавам?
- Кои работи треба да ги направам или да ги избегнувам за да го поддржам моето закрепнување?
- Кога се очекува да можам да продолжам со секојдневните активности?
Одговорите на овие прашања можат да ви помогнат предвреме да се подготвите за вашата операција. Ако очекувате дека можеби ќе ви треба помош од негувател, погрижете се за тоа пред вашата операција. Исто така е важно да научите како да спречите, препознаете и да одговорите на можните компликации. Во зависност од типот на операцијата којашто сте ја имале можно е да се појават многу потенцијални компликации . На пример, многу операции може да го зголемат ризикот од инфекција, крварење на местото на хируршкиот зафат и згрутчување на крвта што може да биде предизвикано од продолжена неактивност. Таа, исто така, може да предизвика да изгубите дел од вашата мускулна сила и да развиете респираторни компликации.
Што значи постоперативната нега во болница
Откако ќе заврши вашата операција, ќе бидете преместени во соба за интензивна нега каде што веројатно ќе останете неколку часа додека да се разбудите од анестезијата. Додека сте во просторијата за интензивна нега, персоналот ќе ги следи крвниот притисок, дишењето, температурата и пулсот.
Тие, исто така, може да побараат од вас да направите длабоки вдишувања за да ја проценат функцијата на белите дробови, како и да го проверуваат местото на хируршкиот зафат за знаци на крварење или инфекција или алергиска реакција којашто може да биде предизвикана од анестезијата.
По некои оперативни зафати, освен ако не покажете знаци на постоперативни проблеми, може да ве пуштат на домашно опоравување уште истиот ден. Пред да ве пуштат од болница, мора да покажете дека можете да дишете нормално, да пиете и да уринирате.
Ако имате подолга и посериозна хируршка интервенција, ќе треба да останете во болница каде што ќе добиете постоперативна грижа. Во зависност од операцијата престојот може да биде една или повеќе вечери. Вообичаено на пациентите после операција им се става интравенозен катетер во раката – уред кој ги мери нивоата на кислород во крвта. Во зависност од видот на операцијата која сте ја имале, може да имате и апарат за дишење, монитор за срцето и цевка во устата, носот или мочниот меур.
Дополнително, во зависнот од операцијата и препораките на докторот, персоналот во болницата може да ви даде лекови за ослободување од болка или други лекови коишто ќе ги примите со инфузија, инјекција или орално. Во зависност од вашата состојба, може да ве замолат да станете и да се движите наоколу бидејќи тоа помага за намалување на шансите за појава на згрутчување на крвта. Исто така, движењето може да ви помогне да ја задржите вашата сила на мускулите. Вашиот доктор ќе одлучи кога ќе бидете подготвени да го продолжите своето опоравување дома. то
Што значи постоперативната нега дома
Многу е важно да ги следите инструкциите на вашиот лекар откако ќе ја напуштите болницата. Земајте ги лековите како што е пропишано, внимавајте на потенцијалните компликации и продолжете да одите на редовни прегледи. Не претерувајте со активностите доколку ви било препорачано да се одморите. Од друга страна, не ја занемарувајте физичка активност ако сте забележале напредок со движењето наоколу. Продолжете со вообичаените секојдневни активности штом ќе се чувствувате дека сте спремни.
Во некои случаи, можеби нема да можете да се грижите за себе некое време по операцијата. Можеби ќе ви биде потребна помош за третирање на раните, подготвување на храна, бањање и движење. Ако немате член на семејството или пријател кој може да ви помогне, побарајте од вашиот лекар да ви препорача професионална нега.
Консултирајте се со вашиот лекар ако почувствувате треска, зголемена болка или крварење на оперираното место. Немојте да се двоумите да се јавите кај вашиот лекар ако имате прашања или не се опоравувате како што е очекувано.
