iskrenosta-se-naogja-vo-nekoja-druga-galaksija_image
Споделете со пријателите!

Хороскоп за 4та недела: текст кој ќе ви даде лажно чувство на контрола врз животот. Неделава Близнакот ќе продолжи со промоција за неговиот беспрекорно здрав начин на живот, а зад него Девицата ќе превртува со очите. Лавот и понатаму неуморно ќе го брани своето его, додека Рибите ќе уживаат во лагите што ќе им ги кажуваат другите.

Овен

Колку и да сакате награди, запомнете дека не сте куче за да се наградувате со храна. Не се залажувајте дека ќе се навикнете на здрав начин на исхрана, и слободно престанете да глумите дека уживате во гоџи, за кои мислите дека имаат вкус на сварена гума. Вашата нетрпеливост која особено се одразува кога сте гладни, ќе ве одведе во најблиската сендвичарница. Со кечап, мајонез, со сè што има.

 

Бик

Ако сте земјен знак не значи дека главата треба да ви биде забиена во земја. Тоа го правите бидејќи сакате да избегнете да се соочите со вистината. Нема да можете да побегнете од себе и да сакате, бидејќи сте спречени од една друга работа што се вика гравитација. Всушност вие зафаќате толку физички простор, што треба да имате посебна гравитациска оска. Во жарот на самоизмамата си велите дека тоа не значи дека сте дебели, едноставно посебни.

 

Близнаци

Вие сте толку добри во лажење на луѓето околу вас, што и самите си верувате на сопствените лаги. Затоа и понатаму упорно ќе ставате фотографии на инстаграм од овошје и егзотични диетални оброци. Фотографиите се со филтер лага, бидејќи никогаш не ја јадете фотографираната храна, но сепак некако ви даваат чувство дека здраво се храните.

 

Рак

Секогаш јадете кога сте нервозни. И кога сте тажни. И кога сте пресреќни. Вие сте една големо плишано мече полно со храна (упс, чувства де!) во него. Во вашите мисли и на вашиот кауч, неделава нема да има место за други луѓе. Како и да е, оваа недела ќе се залажувате дека подобра опција е конзервирана храна отколку конзервирани чувства. 

 

Лав

Вие се служите со лагата како механизам за одбрана на вашето его. Барем сте доволно искрени да не залажувате себеси, туку свесно ги лажете оние околу вас дека вам не ви студи да излезете без јакна до продавница, или пак дека воопшто не ве болат мускулите од вчерашниот обид за вежбање.

 

Девица

Да не бевте толку плашливи, вие ќе бевте подобри лажговци од Близнаците. Засега успешно се лажете само себеси, особено дека живеете здрав живот, кога вистината е дека доцна во ноќта од вашата кујната се слушаат придушени звуци.

 

Вага

Вие толку убаво лажете, што Рибите би посакале засекогаш да останат во вашиот измислен свет. Вашето чувство за естетика надополнето со бистриот ум, ќе направат секој кој има зголемена тежина, да се чувствува како топ модел. Затоа сте успешни, бидејќи успешно ја искривувате реалноста, вие сте нешто како добро направена реклама.

 

Шкорпија

Вие одамна имате сфатено дека доколку самозалажувањето го прави полесен патот за да се измамат другите, тоа ви дава предност. Вашите ментални процеси се проникливи и пакосни, но вреди ли да се биде постојано сам? Барем со никого не морате да го делите вашето омилено чоколадо.

 

Стрелец

Вртењето на рингишпилот создаден од вашите променливи емоции, ќе ви предизвика чувство на вртоглавица. Неделава зборовите ќе ги затрупувате со храна, со цел да не излезе лага од нив. Вие сте единствениот искрен знак во Зодијакот, но таа искреност ви прави повеќе штета отколку добро. Не можете да изедете ниту едно колаче а да не почувствувате грижа на совест.

 

Јарец

Вие имате прекар Лагата. Не, не дека многу лажете, туку дека имате кратки нозе. Никако да го разберете ова бидејќи хуморот не ви е јака страна, а доколку е на ваша сметка, вие ја блокирате сметката. А да ја кажеме вистината, вие исто така сте и добри лажговци, но се трудите колку може да сте лојални.

 

Водолија

Вие добро знаете дека негирањето е силен двигател, но движи надолу. Токму затоа сите ваши проблеми успешно ги трупате под тепих и упорно ги вивнувате во воздух сите мостови околу вас. Тешењето со храна ќе ви биде главна и единствена активност неделава.

 

Риби

Сакате да читате хороскоп бидејќи посакувате да стекнете чувство на сигурност во животот и по цена на тоа дека ви нуди лажна контрола. Вам и онака никогаш не ви била најважна вистината, туку среќата. Но не очекувајте дека хороскопот ќе ви помогне во донесување на одлуки поврзани со храната и здравиот начин на живот. Вие едноставно уживате кога ве лажат.

Прочитајте:  Хороскопските знаци на работа

Споделете со пријателите!