Ако сакате тело на балерина, потребно е да пливате секој ден (помеѓу останатите напорни вежби)
За својата улога во филмот „Црниот лебед’, Натали Портман видно го промени својот физички изглед, со цел да наликува на вистинска балерина. За да постигне вакво тело, таа напорно вежбаше според фитнес програма наречена „Ballet Beautiful“ создадена од страна на професионалната балерина Мери Хелен Боверс. Оваа програма може да направи балерина од секого, тврди Мери.
Целосната рутина на Портман била макотрпна и траела пет часови дневно, шест дена во неделата.
Голем дел од тренингот, Портман танцувала за потребите на филмот, но нејзиниот тренинг е многу повеќе од лежерно танцување. Првиот час започнувал со пливање во базен, па следувал 1 час балетска програма „Ballet Beautiful“ и дополнителни три часа танцување. Оваа програма била проследена со кратење на дневен внес на калории, поточно Портман внесувала 1 200 калории дневно. Оваа напорна програма ги гарантира следниве подобрувања:
- Нозе со тонирани и издолжени мускули;
- Подигнат и цврст задник;
- Цврст среден дел, дефиниран;
- Силни раце, но не со „надуени“ мускули.
Програма „Ballet Beautiful“ вклучува многу вежби за зајакнување на нозете, задникот но и стомачните мускули коишто се најважни за цврстина и стабилно држење на телото. тука се и вежбите за тонирани раце и вежби за истегнување. Деталната програма може да најдете овде.
Кога не вежба за да наликува на балерина, Натали вежба умерено, но она што е поважно, таа настојува да е активна цело време. Таа ја сака јогата, којашто ја практикуваше и за време на бременоста, а воедно е и редовен посетител на теретана. Таа е познат веган, па така постојано внимава на тоа што го јаде.
