Како од „крупна“ девојка се станува фит жена
Фигурата на Клои Кардашијан не се изгради преку ноќ. Таа отсекогаш се сметала за крупна девојка, но нејзината упорност и напорното вежбање ѝ донесоа тело какво што секоја жена посакува. На 32 години започна нејзината трансформација. Од 74 килограми, таа сега има 56 килограми и цврсто и здраво тело. Еве како го постигна тоа:
План на исхрана
Таа има изјавено дека не следела некоја посебна диета. Едноставно ги отфрлила соковите и сега пие само вода. Воопшто не консумирала млечни производи, но некогаш правела отстапки и јадела брза храна како чоколадо или пица. Нејзиното мени најчесто се состоело од: варени јајца за појадок, салата со пилешко за ручек и ориз или зеленчук на пареа за вечера. Доколку сакала да јаде после вечерата, јадела јогурт со парчиња овошје пред спиење.
Фитнес план
Таа посетува теретана два до три пати неделно каде што практикува класичен тежински тренинг, подигање тегови и вежбање на машини со пауза помеѓу секој сет од 10 до 30 секунди. Таа истакнува дека тежинскиот тренинг и тренингот з а сила се клучни за зацврстување на млитавото тело. Исто така, таа советува да најдете време за редовно вежбање и здрава исхрана, бидејќи тоа секогаш се исплати а вие ќе бидете наградени со позитивни резултати.
