Споделете со пријателите!
Хранете се како Французи бидејќи тие се познати како едни од најголемите уживатели во храната
Доколку ви се допаѓа вкусот на споро пржен, карамелизиран кромид, тогаш ќе ви се допадне и оваа супа. Идеална е и сосем доволна за ручек или вечера. Иако долго се готви, таа лесно се прави. Може да додадете и вино доколку имате, без оглед дали е црвено или бело или пак сосем да го изоставите од рецептот.
- 2 лажици путер;
- 2 лажици масло;
- 4 големи главици кромид, исечени на пола, па на тенки кришки;
- 2 толчени лукчиња;
- ½ лажичка сол (или по вкус);
- 1 лажичка вегета (или сушен мешан зеленчук);
- 1 л вода (или течност во која се варело телешко месо);
- 100 мл вино мадеира или какво имате;
- рендан кашкавал;
- кришки француски леб (или каков имате).
Загрејте ги путерот и маслото во длабок сад со капак. Ставете ги кромидот и лукот да се пржат околу 30 минути на многу тивко, покриени со капак. Повремено промешајте ги. Потоа додадете сол, сушен зеленчук, и заедно со водата и виното варете околу триесет минути без капак.
Приготвена до овој стадиум, супата може да се зготви и еден ден однапред.
Разделете ја супата на четири огноотпорни здели, наредени во тавче. Додадете малку рендан кашкавал, едно или две парчиња леб и рендан кашкавал. Ставете ги зделите во рерна, загреана на 160°C, 15 – 25 минути, додека кашкавалот не се растопи и не се зарумени. Послужете ја супата веднаш.
* рецептите со во целост преземени од ситно сецкано
Споделете со пријателите!
