Темите на работилницата се породување, доење и нега на бебето, од гинеколошки, педијатриски и психолошки аспект
Чинот на породување е нешто за што размислува секоја трудница. Непознатото и несигурноста е нешто што најмногу го подига стресот кај секој човек, па затоа е важно да направиме сè што можеме за да го олесниме патот кој им претстои на трудниците и нивните партнери.
Затоа, организацијата „Лулка“ и овој месец организира едукативна работилница за трудници, која ќе се одржи на 28.03.2017 година од 18 часот во хотел Порта – нас. Аеродром.
Темите на работилницата се породување, доење и нега на бебето, од гинеколошки, педијатриски и психолошки аспект. Работилницата ќе се посвети на психолошкиот аспект на бременоста, породувањето и родителството, односно ќе се дискутира за очекувањата, верувањата и ставовите на родителскиот пар, мајчинството/татковството, родителската одговорност, родителскиот авторитет, родителската грижа, љубовта и блискоста.
Доењето е еден од најзначајните интереси за секоја трудница, после породувањето. Од педијатриски аспект, на работилницата ќе се објаснат првите прегледи на бебето, негата на бебето во болница и дома, доењето и се што значи грижа за бебето во првите првите денови по доаѓањето дома. Низ годините, едукативните работилници на „Лулка“ ги имаат посетено повеќе од 2 000 трудници и нивни партнери. Овие работилници ја пресликуваат и самата мисија на организацијата „Лулка“ а тоа е: на трудниците и нивните партнери им е потребна едукација, информации и знаења во оваа значајна фаза од животот.
Повеќе за настанот на: „Фејсбук“ настан и интернет страницата на Лулка.
