Прикажувањето на алкохолни брендови во познати филмови е скоро двојно повеќе застапено отколку пред дваесет години, покажува ново истражување
Алкохолните брендови се двојно повеќе застапени во познати филмови отколку пред две декади, особено кај филмовите за деца, е резултатот од истражувањето, презентирано на Собирот на педијатриски академски здруженија 2017 (2017 Pediatric Academic Societies Meeting) во Сан Франциско.
Децата и адолесцентите се големи корисници на телевизијата. Визуелната стимулација не доаѓа само од телевизиските приемници, туку и од големиот број на мобилни уреди и компјутери. Сепак, првата зависност од раното детство е телевизијата, а понатаму навиката продолжува со долгите часови поминати на компјутер и на мобилен телефон. Адолесценти од 11 до 13 години, гледаат скоро 30 часа телевизиска програма неделно, а кај оние од 14 до 18 години, бројот на часови изнесува 20.
Постари анализи коишто ја истражувале телевизиската програма (во САД) од 1998 до 1999 година, укажуваат дека 71 проценти од цела програма во ударен термин, прикажува употреба на алкохол, а 77 проценти содржи некаква референца која што се однесува на алкохол.
Воедно, пиењето алкохол се прикажува повеќе како позитивно отколку негативно искуство.
„Децата и младите луѓе ги гледаат актерите и филмските ѕвезди како модели за пример“, вели проф. д-р Џејмс Д. Сарџент, автор на студијата. „За алкохолните компании, кога омилената филмска ѕвезда користи одреден алкохолен бренд, тој бренд се поврзува со сите карактеристики на тој идол на коишто се воодушевуваат младите луѓе. Затоа, не изненадува кога брендовите коишто се прикажуваат во филмовите се најмногу рекламираните брендови, и истите се консумирани од страна на малолетници“, вели тој.
Истражувањето е спроведено и се однесува за САД, во период од 1996 до 2015 година а опфатени се најпопуларните 100 филмови на „бокс-офисот“. За време на двете декади, истражувачите забележале дека прикажувањето на алкохолните брендови годишно се зголемувало за 5 проценти, а вкупно 92 проценти. Останатите откритија за време на студијата се:
- Се консумира алкохол во 87 проценти кај сите филмови, а конкретни брендови за алкохол се појавуваат во 44 проценти од нив;
- Актерите пијат алкохол во 85 проценти од сите најпознати филмови означени за детска публика;
- Кај познатите филмови означени за детска публика, најзастапени се брендовите: „Бадвајзер“, „Хајнекен“ и „Милер“.
„Алкохолот останува првиот избор кај младите луѓе“, вели ко-авторката проф. д-р Саманта Цукиер. Таа исто така истакнува дека во филмовите не обрнуваат доволно внимание кога рекламираат алкохол на малолетници. Алкохолот е виновник за 4 300 смртни случаи во САД секоја година, кај оние помлади од 21 година. Истражувањето покажува тренд на зголемување на рекламирање на алкохолните пијалаци а со тоа се очекува и зголемување на проблеми со алкохол кај малолетниците.
