Американската Агенција за храна и лекови (FDA) прифати разгледување на првата нова апликација на лекови за дигиталната медицина (NDA), производите да вклучуваат сензор вграден во таблета
Кога лекарот препишува рецепт за одреден лек, воопшто не постои сигурност и потврда дали пациентот навистина го зема лекот како што му е препишано. Додека веќе постојат достапни преносливи здравствени технологии со сензори, кои мониторираат кога шишенцето со лекови е отворено, како BeClose, со ова не постои гаранција дали пациентот навистина го проголтал лекот.
Во случајот на овој нов начин на аплицирање лекови, сензорот е поврзан со одобрениот од страна на ФДА лек на фармацевтската компанија Otsuka, наречен Abilify (арипипразол) – aripiprazole. Инвеститорот на сензорот Proteus Digital Health со седиште во Калифорнија, изјави дека тоа може да го подобри придржувањето кон лековите од страна на пациентот и подобро да го информираат лекарот околу прилагодувањата на терапијата за потребите на пациентот.
Новиот комбиниран производ се состои од апче кое содржи сензор кој може да се проголта и кој комуницира со сензорна лепенка која може да се носи и медицинска софтверска апликација за паметен мобилен телефон за мерење на придржувањето кон лекарскиот третман кај возрасните лица со шизофренија, при акутен третман на епизоди на манија и мешани епизоди поврзани со биполарно растројство и како дополнителна терапија за лекување на големо депресивно пореметување кај возрасните.
Кога е проголтан, сензорот испраќа сигнал до сензорната лепенка, откако ќе стигне во желудникот.
Лепенката потоа снима и го означува времето на информацијата од проголтаниот сензор, како дополнување при собирањето на други параметри: одмор, агол на телото и шеми на активности. Овие информации се снимени и пренесени на пациентите на мобилен телефон или други Bluetooth уреди и со нивна согласност и до лекарите. Пациентите можат да ги гледаат информациите преку софтверската апликација на нивните мобилни телефони или други уреди, а лекарите ќе можат да ги гледаат користејќи заштитени Веб портали.
Компаниите велат ова е прв пат еден лек одобрен од страна на ФДА, во себе да содржи сензор во самата таблета, за да ги мери шемите на земање на лекови и физиолошкиот одговор.
„Денес, пациентите страдаат од сериозни ментални болести, а со тоа и од проблеми со придржувањето кон терапијата или пак, со комуникацијата со нивните здравствени тимови за нивниот режим на лекување, што може значително да влијае на резултатите и на прогресија на болеста“ – изјави Д-р Вилијам Карсон – William Carson претседател и извршен директор на Отсука. „Ние веруваме дека овој нов дигитален лек може да го револуционизира начинот на кој придржувањето (кон терапијата) се мери и со тоа да исполни сериозна неисполнета медицинска потреба кај оваа популација. Ние со нетрпение очекуваме да продолжиме да работиме со ФДА во текот на разгледувањето на НДА (новата дигитална апликација)“ – додава тој.
Првите 3Д испечатени апчиња [ВИДЕО]
