Споделете со пријателите!
Откријте што значи синдромот CSI и дали е поврзан со телевизиските серии
Судска медицина (позната и како форензика) е примена на широк спектар на науки, со цел да се решат прашања од интерес (злосторство или граѓанска активност) на законскиот систем. Синдромот CSI, познат и како CSI ефект, е назив за претерано и нереално прикажување на форензичката наука во популарните телевизиски серии за криминалистичко истражување, коешто негативно (погрешно) влијае врз перцепцијата на јавното мислење, односно гледачите на тие серии. Реалните истражувачи тврдат дека актерите во овие серии, коишто знаат секогаш сè, ja искривуваат сликата на реалноста а воедно може да пласираат и неточни информации. Сезнаечките актери им прават штета на реалните истражувачи со тоа што луѓето сметаат дека истражувачите едноставно не се способни, заслепени од наводното знаење прикажано во сериите.
Популарноста на CSI сериите го создаде овој синдром кој е окарактеризиран како заблуда која силно влијае врз јавното мислење за научната гранка наречена судска медицина, која резултира со намалување на довербата во другите правосудни органи.
Исто така, синдромот CSI дава чувство на лажна претстава дека форензичкиот доказ сè повеќе добива на важност, за сметка на сведочењата и другите видови на докази, иако се знае дека со ваквиот вид на доказ може да се манипулира. Штетата на ваквите телевизиски шоуа може да биде уште поголема, бидејќи може да им даде увид на криминалците како полесно да ги скријат своите докази.
ПРОЧИТАЈТЕ:
Досега објавените синдроми
Споделете со пријателите!
