Добро изладен чизкејк за топиве денови…
За вашиот или летниот роденден на некој близок подгответе го овој лесен чизкејк и уживајте во топлите денови.
- 200 g мелени бисквити;
- 1 лажица цимет;
- 70 g стопен путер;
- (или 200 g мелени грахам крекери, дигестивни колачи или холандски спекулас колачи + 70 g путер).
- 400 g кремсир;
- 1 шоља кисела павлака;
- 1 шоља слатка павлака;
- 1 шоља шеќер;
- 3 јајца;
- 3 лажици брашно.
- 2 големи јаболка;
- мааалце путер (ама и не мора);
- сок од еден лимон;
- малку вода;
- 2 – 3 лажици шеќер;
- цимет.
Бисквитите не мора да се мелат во машина, може да ги изгмечите во толчник изборот е ваш. Помешајте ги со циметот и путерот и притиснете ги на дното на тавче со пречник од околу 22 cm. Ставете го тестото да се пече празно околу 6 – 7 минути во рерна загреана на 170°C.
Додека тестото се пече, изматете ги со миксер состојките за филот. Кога тестото малку ќе се подолади истурете го филот и ставете го чизкејкот да се пече на 170°C, 30 – 50 минути, во зависност од рерната. Кога е готово во средината треба да е полуцврсто. Почекајте малку да се олади па ставете го во фрижидер да отстои неколку саати пред да го послужите.
За јаболката не е некој строг рецепт, излупете ги и исечете ги на парчиња. Ставете ги во тенџере заедно со другите состојки и оставете ги да се динстаат на средно околу 10-тина минути, со повремено мешање. Ако се јаболката благи, може и да не ставате шеќер. Погледнувајте дали пуштиле многу течност или воопшто не пуштиле и почнале да се лепат, ако треба додајте малку вода (неколку лажици). Вака зготвени јаболката се одлични и со мусли или гранола, или врз некој друг колач.
* рецептите со во целост преземени од ситно сецкано
