Викендот е за уживање – направете вкусно буритос но не го заборавајте десертот
Овој пат, наместо еден, имаме два рецепти за целосно гастрономско уживање. Научете како да добиете богат буритос вкус но и начин како да го совладате рецептот за префинетиот популарен десерт, кај нас наречен „топло-ладно“.
- 600 г мелено месо;
- 2 кромида:
- 1/2 чаша врела вода;
- сол, бибер, вегета, црвен пипер;
- малку кечап и малку доматно пире;
- 2 црвени бабури, исечени на долги ленти;
- 10-15 чери патлиџани, исечени на половинки
- пченка од конзерва (или замрзната, па одмрзната во вода што врие и исцедена);
- маслинки;
- павлака;
- кашкавал, рендан или исечен тенко;
- десетина тортиљи.
Испржете го меленото месо со кромидот додека не се зарумени, додадете пола чаша врела вода и динстајте го на средно. додадете ги зачините, кечапот и доматното пире и повремено мешајте додека месото целосно не се зготви. тортиљите намачкајте ги со павлака, ставете во средината од меленото месо, неколку ленти бабура, неколку патлиџанчиња, пченка, маслинки, па кашкавал. завиткајте ги од 3 страни, прицврстете ги со по некоја чачкалица и ставете ги во загреана рерна да се запечат 5-6 минути.
- 3 јајца;
- 200 г шеќер во прав;
- 2 кесички ванилин шеќер;
- 1 шолја брашно;
- 150 г путер или зејтин;
- 200 г чоколадо за готвење.
Трите јајца изматете ги убаво со шеќерот во прав и ванилиниот шеќер, па додадете го брашното. Путерот (или маслото) растопете го заедно со чоколадото. Кога растопеното чоколадо ќе се олади, измешајте го со изматените јајца и смесата сипете ја во тавче за мафини подмачкано со маргарин.
Печете ги колачите во рерна загреана на 250°C точно 7 минути, а потоа исклучете ја и оставете ги колачите внатре уште 2 минути. Извадете ги од рерна, поминете со нож помеѓу колачите и тавчето, превртете ги од тавчето и послужете ги со сладолед.
* рецептите со во целост преземени од ситно сецкано
