Часот на планетата Земја 2017 [ВИДЕО]

Вечерва исклучете ги светилките за да го означите денот на планетата Земја

„Часот на планетата Земја“ прославува 10 години постоење а Македонија осма година по ред се вклучува во одбележувањето на најголемата светска еколошка акција! Оваа година, „Часот на планетата Земја“ се одржува на 25 март (сабота), кога во 20:30 часот по локално време, во мрак ќе потонат над 7.000 града низ 170 држави ширум светот, а меѓу нив дел е Македонија. Оваа акција којашто трае еден час, прераснува во движење за спас на планетата и е најголемата светска волонтерска акција за природата која ги потенцира опасностите од климатските промени.

„Часот на планетата Земја“ е повеќе од настан, тој е движење.

„Нашето дејствување денес, може да направи промена утре“, е пораката која што треба да стигне до секоја индивидуа. Целта е да ја охрабри светската заедница за споделување можности и предизвици за создавање на поздрав и одржлив свет. Ова еколошко движење е иницијатива на WWF (World Wildlife Fund), а поддржано од ОН.

ВИДЕО: