Бебето ги користи вашите ресурси па затоа е потребно е да внесувате витамини и минерали
За време на бременоста е неопходно внесување на витамини и минерали како за развојот на нероденото дете така и за сопственото здравје на бремената жена. Вашето бебе ќе ги користи вашите ресурси па затоа е потребно да ги внесете со цел да останете здрави и безбедно да ги поминете фазите на бременоста, како и да се подготвите за раѓањето на вашето бебе.
Без разлика дали сте бремени или планирате бременост важно е да обрнете внимание на внесот на есенцијалните витамини и минерали, особено фолната киселина, калциум и железо, заради генералниот развој на вашето бебе и за континуитет на вашето здравје за време на бременоста.
Заради оваа причина бремените жени се советува да се хранат здраво, да имаат добро избалансирани оброци и да се обратат кај својот гинеколог или фармацевт за суплементи кои се користат во текот на бременост прилагодени за нивните потреби.
Особено битен од суплементите е фолната киселина. Таа е битна за развојот на нервниот систем кај фетусот и заштита на невралната туба. Превенира дефекти на невралната туба, сериозни дефекти при раѓање како Spina Bifida и енцефалопатии.
Особени внимание кај суплементите кои се користат за бременост, треба да се обрне внимание на суплементи кои имаат активен облик фолна киселина.
Разликата меѓу фолна киселина и активен облик на фолна киселина, е дека активниот облик на фолна киселина нема потреба од ензими за конвертирање во активен облик. Бројни студии покажаа дека еден голем дел од пациентите околу 40-50% имаат и дефицит на тој ензим потребен за конверзија. Кај тие пациенти и внесувањето на фолната киселина е без ефект бидејки го немаат потребниот конвертирачки ензим.
Дневните препораки за внес на активен облик на фолна киселина се 400 микрограми. За жените кои планираат бременост потребно е и да се внесува 400-800 миркограми на ден.
Д-р Захарија Парталоска Шипинкаровска, специјалист гинеколог
