Дознајте кои се најнеобичните фобии но и оние состојби за кои можеби не сте знаеле дека се фобии, како на пример стравот да се остане без телефон
Современиот начин на живот претпоставува секојдневна доза на стрес, и заедно со новите технолошки пронајдоци, донесе и многу нови фобии. Некои од нив се смешни, некои чудни, но луѓето кои што патат од нив имаат сериозен проблем да се соочат со стравот. Зборот фобија потекнува од грчкиот збор fobos, што значи бегство, паника или страв.
Денес, има сè повеќе необични фобии, а многумина не ни знаат дека патат од нив. Новите фобии најчесто се производ на технолошките пронајдоци или пак се социјални фобии како последица од негативна проценка и предрасуда од околината, односно нерационален страв од луѓе и ситуации. Овој пат повеќе ќе се задржиме на специфичните фобии, односно оние што значат ирационален страв од конкретни предмети или ситуации. Тие се меѓу најчестите анксиозни нарушувања и се помалку вознемирувачки од останатите. Еве некои од најнеобичните:
Номофобија е страв да се остане без телефон. Овој страв се смета за еден од најчестите стравови денес. Постојат и истражувања поврзани со овој страв, кои потврдуваат дека многу луѓе патат од него. Имено, постојат луѓе кои никогаш во животот не го исклучиле телефонот а доколку останат без телефон може да добијат анксиозни растројства. Кај оваа фобија, дискутабилно е името, бидејќи ова чувство го поврзува со фобија наместо со вознемиреност која е многу честа за денешно време.
Сајберфобија се опишува како ирационален страв од компјутери или технологија, што претставува резултат од притисокот на модерното општество кое претпоставува учење на нови технологии.
Хрометофобија преголем страв од пари, што се смета за една најчудните фобии. Можеби се прашувате како некој би можел да развие ваков страв, со оглед на тоа дека парите се потреба за живот. Некои истражувачи оваа фобија ја поврзуваат со стравот од микробите во парите, што не треба да се поистовети со страв од богатство, бидејќи оние коишто патат од оваа фобија, најчесто користат кредитни картички.
Спектрофобија страв од огледала, поточно од гледање на својот одраз во огледало. Оваа фобија најчесто е поврзана со трауми и трауматични настани, во кои жртвите тврдат дека виделе духови. Како и да е, знаеме дека инстаграм армијата на љубители на селфи фотографиите, со сигурност ја немаат оваа фобија.
Хипопотомонстросесквипедалиофобија доколку се обидовте да го прочитате зборот, вие ја немате оваа фобија. Таа значи необјаснет страв од долги зборови. Оваа фобија сè повеќе се зголемува кај новите генерации кои што комуницираат исклучиво преку текст пораки, односно користат голем број на скратеници.
Фобофобија е нерационален страв од фобии или од нивно развивање. Страв од самиот страв е фобија. Овој страв е еден од најчудните и најинтересните фобии.
