До денес придобивките од оризовата вода за коса не се поткрепени со научни докази.
Жените во некои делови од Кина, Јапонија и Југоисточна Азија ја користеле и сè уште ја користат оризова вода како природно средство за одржување на здравјето на косата.
Токму на база на традициите на жените во Кина и Јапонија, оризовата вода во последно време стана популарно средство за одржување на здравјето на косата. Но многумина се запрашуваат дали нејзините придобивки се и научно докажани?
Еден научен труд од 2010 година сугерира дека оризовата вода би можела да биде добра за одржување на косата. Авторите на трудот наведуваат дека оризовата вода може да го намали површинското триење и да ја зголеми еластичноста на косата. Сепак и оваа студија се потпира на примери од историјата и не извлекува поддржани заклучоци. До денес придобивките од оризовата вода за коса не се поткрепени со научни докази.
Зрната од ориз содржат 75-80 отсто скроб. Оттука, оризовата вода е скробна вода којашто се добива по готвење или цедење на оризовите зрна. Се смета дека оризовата вода може да ја направи косата мазна и сјајна, како и да стимулира побрз раст, бидејќи ги содржи многуте витамини и минерали коишто се содржани во оризот. Меѓу нив се:
- амино киселини;
- Б витамини;
- витамин Е;
- минерали;
- антиоксиданти.
Според некои истражувачи, жените во Хејанскиот период (794 до 1185 год. од н.е.) во Јапонија имале коса со должина над 1 метар којашто ја одржувале здрава со капење со оризова вода. Имено денеска жените познати под името Јао кои живеат во селото Хуанглуо во Кина, се познати по тоа што ја одржуваат должината и бојата на косата со капење со оризова вода. Се вели дека нивната коса, исто така, не ја губи природната боја сè до 80-те години.
Придобивки од оризовата вода
Се верува дека оризовата вода:
- помага во отплеткување на косата;
- ја прави косата полесна;
- го зголемува сјајот на косата;
- ја зацврстува косата;
- го зголемува растот на косата.
Како да подготвите оризова вода
Цедење
Земете ½ чаша неварен ориз и темелно исплакнете го. Потоа ставете го оризот во сад со 2-3 чаши вода и околу 30 минути оставете водата да се впие. На крајот, исцедете ја оризовата вода во чиста чинија.
Ферментирање
Многумина тврдат дека ферментираната оризова вода има повеќе предности од обичната оризова вода. Според една студија од 2012 година, се дознава дека ферментираните супстанции имаат повисока количина на антиоксиданти коишто може да се борат против оштетување на косата и кожата, поради што тие се вообичаени состојки содржани во козметичките производи.
За да ферментирате оризова вода, следете ги чекорите 1-4 од методот на цедење. Пред да ја исцедите оставете ја оризовата вода на собна температура околу 2 дена, овозможувајќи ферментација. Пред употреба, исцедете ја оризовата вода во чиста чинија.
Вриење
Друг начин да се направи оризова вода е со вриење на оризот. Прелијте ½ чаши ориз со двојно повеќе вода од онаа што обично ја користите за готвење. Гответе го оризот во врела вода и исцедете ја оризовата вода во чиста чинија пред употреба.
Како да ја користите оризовата вода
Оризовата вода може да се користи како замена за балсам за коса. Таа може да ја користите на со тоа што најпрво ќе ја измието косата со шампон и ќе ја исплакнете темелно со вода. Потоа ќе ја прелиете цела коса со оризова вода и ќе ја масирате заедно со скалпот. Се препорачува да се остави водата да отстои околу 20 минути, а потоа темелно да се исплакне косата со топла вода.
