Агендата до 2030 година е план на дејствување кој има за цел да го трансформира целиот свет и да постигне одржлив развој во три димензии – економски, социјален и еколошки.
Меѓународниот ден на лицата со инвалидност за прв пат е воспоставен во 1992 година од страна на Обединетите нации. Оттогаш, овој ден се одбележува секоја година на 3 декември. Овогодишната тема на Меѓународниот ден на лицата со инвалидност го носи насловот „Transformation towards sustainable and resilient society for all“. Темата оваа година директно се поврзува со 11-та од 17-те цели за одржлив развој што се предвидени да се остварат до 2030 година.
Трансформацијата кон одржливо и флексибилно општество им дава можност на лицата со попреченост да се справат со предизвиците преку колективни напори и со другите засегнати страни да развијат и имплементираат прифатливи и иновативни решенија. Во ерата на дигитализација, технологијата обезбедува средства за такви иновативни решенија. Таа е суштинска компонента за реализирање на целите за одржлив развој и за целосното и ефективно учество на лицата со посебни потреби во истите. Седумнаесетте цели за одржлив развој се група на цели создадени од Обединетите нации. Тие се промовираат како глобални цели за идниот меѓународен развој и ќе се одвиваат до 2030.
Честопати адаптирањето и ширењето на технолошките иновации се премногу скапи и го зголемуваат јазот помеѓу оние кои можат да си ги дозволат и оние кои не можат. Оттаму, создавањето на прифатливи технологии и еднаков пристап до нив мора да бидат приоритет за лицата со инвалидност во развојната агенда на цели за одржлив развој до 2030 година. Во последниве години, меѓународната заедница беше сведок на напредокот постигнат во унапредувањето на правата на лицата со инвалидност.
Агендата од 2030 година е план на дејствување кој има за цел да го трансформира целиот свет и да постигне одржлив развој во три димензии – економски, социјален и еколошки. Новата урбана агенда директно се поврзува со 11-та цел за одржлив развој: Одржливи градови и заедници – Градовите и населбите да бидат инклузивни, безбедни, флексибилни и одржливи, а исто така е поврзана со други цели за одржлив развој кои се однесуваат на еднакви можности што овозможуваат целосно остварување на човечкиот потенцијал и трансформирање на општеството во праведна, правична, социјално инклузивна и флексибилна средина во која се задоволени потребите на лицата со инвалидност.
