Споделете со пријателите!
Нова опрема за Клиниката за радиотерапија и онкологија во Скопје
Министерството за здравство набави и ипорача нов КТ симулатор за радиотерапија на Клиниката за радиотерапија и онкологија во Скопје. Неговата инсталација треба да заврши до крајот на јуни годинава, по што ќе биде достапен за пациентите. Вредноста на апаратот е 32,8 милиони денари. Ова на прес-конференција го соопшти министерот за здравство Никола Тодоров.
Со апаратот се врши планирање на радиотерапијата, која претставува основа за модерната терапија. Вообичаено, на КТ симулаторот секој пациент поминува по еднаш, согласно досегашната динамика на апаратот поминуваа по околу 7 пациенти дневно, односно 35 неделно. Стариот еднослајсен симулатор се заменува со најсовремен 16-слајсен симулатор.
Стариот апарат е во употреба над 12 години и ќе го префрлиме во Клиничката болница во Битола, каде ќе продолжи да функционира. На стариот апарат можеше да им се овозможат здравствени услуги на седум пациенти дневно, а на новиот апарат до 12. Тоа значи сериозно зголемување на капацитетот и бројот на пациенти, рече Тодоров...
Превземено од: Министерство за здравство на Република Македонија
Споделете со пријателите!
