Подгответе вкусни чворчиња со лук
Лукче и магдонос – најдобри другари, така вели познатиот Џејми Оливер во неговите емисии, а ние се сложуваме со него бидејќи навистина е одлична комбинација. Обидете се да пробате само едно од овие чворчиња.
За тестото:
- 415 мл. топла водa;
- 55 мл. маслоново масло;
- 1 лажичка сол;
- 1 лажица шеќер;
- 17 гр. сув квасец (околу 2 и пол кесички);
- 700 гр. бело брашно (плус за посипување во текот на месењето).
За премачкување:
- 30 мл. маслиново масло;
- 2 лажици путер;
- 4 чешниња лукче, истолчени;
- 10-тина гранчиња свеж магдонос, ситно исецкан;
* тестото може да се направи и неколку дена порано и да се чува во фрижидер.
Во голем сад, помешајте топла вода, маслиново масло, сол, шеќер и квасец. Додајте го брашното и измесете го да се поврзе во тесто. Покријте го садот и оставете го на топло место додека тестото не нарасне дупло (1 – 3 часа). Потоа ставете го тестото во фрижидер петнаесетина минути, за да може полесно да се работи со него, или оставете го во фрижидер неколку дена.
Тестото лесно се меси на дрвена површина премачкана со масло, а пред да започнете со месење, сукалото и рацете премачкајте ги со масло. Поделете го тестото на два дела и исукајте го едниот во правоаголник со димензии околу 12 x 40 см и со дебелина околу 12 мм. Исечете го тестото на ленти широки по 12 мм и посипете го со брашно. Од секоја лента направете по едно чворче и наредете ги во големо тавче обложено со хартија за печење. По потреба, посипувајте го тестото со брашно за да не се лепи. Покријте го тавчето со наредени чворчиња со крпа и оставете ги повторно да нараснат дупло.
Доколку сакате целата количина тесто да ја направите истиот ден, ќе треба на два пати.
Додека чворчињата нараснуваат, загрејте ја рерната на 200°C. Печете ги околу 12 – 15 минути, или додека малку не заруменат. Стопете го путерот во маслиновото масло, заедно со лукчето, на средна температура, па додајте го исецканиот магдонос. Премачкајте ги чворчињата со ова уште додека се топли и веднаш послужете ги.
* рецептите со во целост преземени од ситно сецкано
