555 денови без срце [ВИДЕО]

Технологијата на иднината е сега. Човек без срце живеел повеќе од една година 

Стен Ларкин, 25 годишен Американец, чекал за операција на срцето 555 денови. Неговото срце е отстрането во 2014 година, и притоа било заменето со вештачко. Неговото срце било отстрането за да може Стен да ја чека трансплантацијата дома наместо во болница.

Ларкин добил дијагноза наречена кардиомиопатија на 16 години, кога играјќи кошарка се онесвестил. Во декември 2014 година, лекарите го извадиле неговото срце кое веќе не фукционирало. За да бидат работите полоши, на листата на чекање за трансплантација имало повеќе од 100 луѓе пред Стен.

Поради тоа, докторите му вградиле вештачко срце и со тоа тој станува првиот жител во Мичиген со вештачко срце.

Вештачкото срце со помош на компресиран воздух ја пренесува крвта низ телото. Пред ларкиновиот случај, никој не можел да претпостави како воопшто работи „вештачкото срце“, но според лекарите, сè функционирало во најдобар ред. Случајот на Стен ја развил технологијата на завидно ниво. И покрај тоа што на грбот морал постојано да носи ранец со комплицирана машинерија, тој не се откажал од активниот живот. Го продолжил тренирањето и не престанал со кошарката. овој случај, а и заложбите на Стен да продолжи нормално да функциониера, придонесоа за вистински напредок во медицинската технологија. Новото човечко срце го добил во мај оваа година.

Во прилог, погледнете го видеото: