Зошто „Spinning®“ од фитнес тренд, стана задолжителна вежба
Во 1993 година, познатото списание „Ролинг Стоун“ го прогласи „Spinning®“ за најпопуларен вид на тренинг. Оттогаш, статусот на овој тренинг само се потврдува, благодарение на популарноста која не се намалува, како и на армијата од познати личности коишто не можат да живеат без „Spinning®“: Дејвид Бекам, Бритни Спирс, Лејди Гага, се едни од многуте. Инаку, неговите почетоци се во осумдесеттите години. Секоја популарност и секој тренд носи со себе и армија на „копипејстери”, па нека не ве збунува доколку забележите различни имиња со слични карактеристики. Сите тие се различни и постои само еден, единствен официјален „Spinning®“. Оттаму и ® знакчето.
Причината зошто овој тренинг, кој претставува всушност возење на единствени велосипеди “Spinner®“-и во затворен простор, но во форма на високо кондиционен тренинг, се одржал на врвот толку долго време, е во неговите многубројни докажани придобивки.
Ги топи калориите
Во една сесија, која трае околу 50 минути возење на „Spinner®“, се трошат од 400 до 800 калории. Трошењето на калории зависи од повеќе фактори како возраст, физичка активност, телесната тежина, и секако интензитетот на вежбање.
Вежба за целото тело
Со Spinning® очекувајте вежбање на целото тело, не само нозете, како што би си помислиле на почеток. Тоа се постигнува преку различни методи на вежбање коишто се фокусираат на различни делови од телото. „Spinning®“ претставува важна вежба за носечките мускули на грбот, мускулите на нозете, стомакот и рацете. За целосно да се зацврстите, задолжително треба да вежбате под надзор на тренер.
Мало влијание врз зглобовите
За разлика од трчањето, коешто директно ги погодува зглобовите и колената, возењето велосипед има мало влијание врз зглобовите и го намалува ризикот од повреда. Во исто време, овој тренинг спаѓа во вежби со висок интензитет. На вас останува да внимавате и правилно да седите на „Spinner®“-от, што значи тренингот да го изведувате под надзор.
Го подобрува кардиоваскуларното здравје
„Spinning®” може да се изведува како анаеробична вежба, црпејќи енергија од резервите и градење на мускулна издржливост подолг временски период. Воедно, тука се и аеробичните придобивки. „Spinning®“ тренингот вклучува издржливост и кардиоваскуларен тренинг. Ја активира срцевата работа дури до 80 проценти од капацитетот, со што ги подобрува метаболичките функции во телото. Со текот на вежбањето, се учи како да се контролира дишењето, што многу помага при состојба на вознемиреност и помага да се намали пулсот во ситуации на голем физички напор.
Ослободува од стрес
Овој тренинг, иако означен како високо кондиционен, всушност многу релаксира. За убавата и мотивирачка атмосфера, важен фактор е и музиката и гласот на тренерот. Едно истражување докажало дека брзата музика ве поттикнува да вежбате понапорно. Воедно, овој тренинг не е само добра физичка вежба, туку придонесува и за ментална сила. Иако возењето се одвива во група, вежбањето е на индивидуално ниво. Потребна е голема самодисциплина, самоконтрола и самодоверба. Исто така, „Spinning®“ помага да развиете позитивен став кон сите останати животни аспекти. Тренингот е енергичен и забавен, па по завршувањето се чувствувате енергично и активно.
