Хороскоп за 7ма недела: Комфор зоната топли поубаво од најтоплото ќебе, но тоа е направено неквалитетно, па оттаму произлегува целото незадоволство, манифестирано преку настинки и вуруси. Кога не се делува или пак се делува спротивно од она што се мисли, целото тело е во бунт. Ова не важи само за Близнаците, за нив тоа е природна состојба, затоа тие ќе се одликуваат со најдобро здравје неделава.
Овен
И оваа недела ќе делите совети без никој да го побара вашето мислење. Да се има став е привлечно и моќно, но почекајте да ве прашаат. За вас не постои поголема досада од настинка, која што ќе ја имате неколку дена, но ќе ја игнорирате бидејќи ве онерасположува.
Бик
Неделава ќе почуствувате болка во едното рамо како знак на реума што ја добивте со текот на годините. Реумата се создала од долгите години служење како рамо за плачење. И понатаму ќе чекате светот да ви се оддолжи за сè што сте направиле за другите. Не очекувајте некој да ви даде признание или утеха за вашата нервоза. Да се биде анксиозен значи да се биде жив.
Близнаци
Вашата креативност најмногу ја изразувате преку измислување лаги. Бидејќи ваквото однесување е нормално за вас, многу често се чувствувате истоштено. Сепак, на лагата ѝ се кратки нозете а со кратки нозе, човек побрзо се уморува. Нема да може да се помирите дека викедов ќе мора да останете сами дома за да одмарате.
Рак
Оваа недела решивте да се ставите на инстаграм диета. Готвите, го сликате јадењето и потоа не го јадете. Ќе сликате најмногу овошје и мусли, а ќе јадете многу малку. Нередовното јадење ќе ви предизвика променливо расположение, па затоа неделава ќе ширите песимизам и ќе бидете позаразни од вирус.
Лав
Кога вие сте решени да направите нешто, не постои сила што ќе ве спречи. Сепак трпеливоста не е ви е силна особина, па затоа најчесто не успевате во вашата светска доминација. Главоболката што ќе ја чувствувате цело време е производ на вашата огромна тврдоглавост која ќе биде поголема од вашето его. Да, тешко е да се замисли тоа.
Девица
Залудно чекате, бидејќи ништо никогаш нема да стане совршено со тек на време, доколку не е такво отпочеток. Читањето хороскоп е само една од работите кои што дополнително ви го скратуваат времето. Настинката ќе ве успори и ќе ја мразите повеќе од што мразите несредена куќа и луѓе без план.
Вага
Вие совршено ќе ја истенчитефината линија помеѓу селективно социјален и асоцијален, бидејќи големата горделивост ќе ве доведе до ситуација да останете во најдоброто друштво, сами со себе. Ќе патите од гласно зуење во ушите како производ на гласните заглушувачки мисли кои што ќе се борат за доминација во вашата глава.
Шкорпија
Вие сте едно либидо во движење. Неделава никој нема да биде поштеден од вашиот шарм. Уште отсега ги сожалуваме кутрите души кои што ќе паднат во вашата мрежа. Оние од кои ќе се заситите, ќе ги оставите да тонат во жив песок, постојано борејќи се за вашето внимание. Здравјето ќе ви биде силно како вашата моќ на убедување.
Стрелец
Вие сте како книга без средина и без крај. Најмногу ве возбудуваат нови почетоци, каде што доаѓа до израз вашата импулсивност и авантуристички дух. Неделава ќе бидете како книга со празни страници, а најмногу ќе започнувате нови тегли од зимницата што останала. Авантуристичкиот дух сте го завиткале во обвивката на конфор зоната.
Јарец
Оваа недела конечно ќе олабавите и нема да се трудите да бидете оптимисти. Сепак, вистината е најдобра за вашето здравје и вие ќе блескате, но штета што никој нема да ве види. Вашата антисоцијална природа ќе ве заштити од вируси, бидејќи нема да излезете од под покривка, не пак од дома.
Водолија
Вашата настинка ќе биде непредвидлива и непостојана, слична како вашето однесување. Емотивно отворање и прочистување, планирате да направите напролет, а дотогаш ќе се топлите од озборувањата што ќе ги слушате зад грб, кои всушност ве забавуваат, бидејќи дури зборуваат за вас, имате поинтересен живот од нив.
Риби
Ќе пливате во удобната досада цела недела успешно избегнувајќи конфликти. Според вас, подобро е досадна недела отколку интересна, но со многу луѓе. Вие сте деморализирани идеалисти кои што патат од најзаразната болест на денешницата, а тоа е досадата.
