Споделете со пријателите!
Пробиотиците имаат широк спектар на позитивни дејства. Во прв ред воспоставување рамнотежа на целокупниот метаболизам, надополнување на терапијата при земање антибиотици кои ја нарушуваат нормалната цревна флора, регулирање на проблемите со дијареата и констипацијата, пропратна терапија за борба против вирусните инфекции, подобар имунитет, справување со стресот итн.
На вашите прашањата еднаш неделно ќе одговара
д-р Виктор Мурџев, педијатар
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Татко сум на близнаци, машко и дете и веќе имаат околу 3 месеци и една недела. И имаме проблеми со девојчето веќе 2 месеци има проблеми со исхраната. На почетокот од кога изглеговме од болница користевме формула Аптамил Прематуре како додаток на мајчинското доење, и тогаш пиеше како што треба, имаше доволен апетит и додаваше во тежина според нормалниот просек, кај машкото имаше малку проблеми на почеток немаше толку многу апетит но после една недела се навикна и сега веќе 2 и пол месеци преминавме на Аптамил 1 формула и машкото добро се храни и се развива но со девојчето имаме проблем што нема апетит воопшто. И кога е ептен гладна само што почнува да пие за макс. 2 минути заспива и го остава млекото не испиено, исто се случува и при доење и при давање на адаптирано млеко. И цело време е некако како изморена, не активна, не заспиено како што треба и тн. Не знаеме до што е проблемот дали е до формулата или нешто друго ако може некој совет од лекарите тука. Ви благодарам.
Почитувани, прво да објасниме некои работи во однос на развојот кај бебињата. Постојат посебни криви на раст за машки и женски. На тие криви се внесува килажата и висина и на тој начин се следат децата. Имаме деца кои одат на 3 перцентила, тоа значи дека тие се најслаби, и имаме деца кои одат на 95 перцентила, но и едното и другото е во распон на нормално. Машките деца повеќе напредуваат од женските и тоа е нормално, не треба да се компарира. Во однос на исхраната ако на бебето не му одговара некоја формула, може да има грчеви, тврда столица или да го поврака млекото, кај вас тоа не е случај, покрај тоа бебето одбива и формула и мајчино млеко, така што да се смени формулата не е решение. Со оглед на тоа дека е прематурче кое одбива храна, нема сила и не е активно, би препорачала веднаш да се посети матичен лекар, кој ќе процени дали би го пратил на детска клиника.