Tema_5_urologija_i_urinarna_inkontinencija
Споделете со пријателите!

Уринарна инконтиненција е чест проблем кај возрасната популација кој го нарушува квалитетот на животот на возрасната популација. Се јавува при кашлање, кивање, трчање, дигање на тешки предмети, брза промена на положбата на телото (на пример: при брзо станување) или при други физички активности. .

На вашите прашањата еднаш неделно ќе одговара д-р Илија Келепуровски

Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.


Споделете со пријателите!

comments (7)

  • Трајчо Ставров Reply

    Добар ден.
    Имам 69 и пол години,живеам во Гевгелија. Од пред 6 месеци приметив дека главчето на пенисот при набрекната состојба е свртена на горе под агол од 45 степени.Ве молам за одговор за што се работи.Напоменувам дека сега за сега немам други вообичаени проблеми,карактеристични за оваа возраст.

    Благодарам

    • Д-р Илија Келепуровски

      Почитуван Трајчо,

      Според дадената анамнеза симптомите насочуваат кон можна т.н. Пејрониева болест. Ви сугерираме да се обратите кај специјалист по урологија.

  • Димитар Reply

    Постои ли во државата специјалист кој има искуство со намалување на зголемена простата ( надворешниот дел, каналот е слободен, остатокот е мал) со медикаменти , на пример Финастерид или други соодветни ?? , исто така искуство околу небактериски простатитис ?
    Ехо имам правено прв пат кога имав хепатит Б , на 45 г старост, 1995, тогаш ми рекоа дека и хепарот и се друго е во ред. . Проблеми со мокрење ( надразнувања, проблеми при патувања) имав веке на 54 годишна возраст; прв пат сум упатен на Ехо за простата 2015, најдена ми е простата од 55грама, но ПСА беше 3,7 и матичниот доктор кажа дека не треба ништо, дури дека не треба да купувам ни билни лекови, како Простамол и слични. 04/2018 при контрола на ПСА најдена е зголемена вредност, 4,4, пратен сум на ехо каде е најдена зголемена простата од 70 грама. Урологот ми препиша Тампрест, но веќе по неколку дена имав проблем со трнење на прстите и симптоми на ладни нозе. Потоа отидов на друг уроллог, таму ми е препишан Простамол уно и Солипхар 5мг. Од една таблета Солипхар имав драстично намалување на мокрењето а и симптом на мрзливи црева па и него го прекинав. Вредноста на ПСА ми се качи во 09/2018 и над 8, па бев третиран 28 дена со Флексид, но се намали само на 7.2 . Потоа сам со билни препарати и слични природни работи успеав да го намалам ПСА на 6, а во зима за време на студениот периуод пак ми се качи ПСА на 6,8. Пред 10 дена правев пак ЕХО, простата е во тие граници, но докторката откри дека простатата е втисната во бешиката и мисли дека поради тоа имам надразнувања и нагон за мокрење. Патем, на 44 години старост,1994 ми е одстранет зголемен Тимус, почетна диагноза беше тимома, но дгн од обдукцијата беше Тимус перзистенс, зголемен тимус 9,3см но со нормална структура, делумно и со зачувани хасалови тела.. Од операцијата на Тимусот значително сум поосетлив на настинки. Се сомневам дека по силната вироза која ја фатив летото 2017, сега имам проблем и со хронична настинка на урогениталниот тракт и засилен синдром на студени нозе , но бидејќи во државата не постои имунолог за возрасни, морам сам дасе борам со проблемите.

    • Д-р Илија Келепуровски

      Почитуван,

      Состојбата која ви е опишана и поради која сте веќе подолго време третирани, се вика Бенигна хиперплазија на простата или скратено БПХ. Тоа се случува кај скоро секој маж, после возраст од 45 години, а точните причини поради кои настанува се повеќе, но се смета дека најголемо влијание има губењето на фината контрола на организмот врз одредени клетки поради нормалниот процес на стареење. Симптомите кои БПХ ги предизвикува се многубројни, но со една кованица се опишуваат како „Симптоми на долен уринарен тракт“ и најчесто опфаќаат чести нагони за мокрење, особено навечер, испрекинат млаз на мокрењето, особено првото утринско мокрење, намалена јачина на млазот на мокрењето, чувство на недомокреност, капење на мокрача по завршување на актот на мокрењето и др. Во секој случај, тоа е ситуација која во денешно време може успешно и релативно брзо да биде дијагностицирана како и доста добро третирана со медикаментозна терапија благодарение на напредокот на фармациската наука. Во склоп на ова, би додал само дека волуменот на простатата кој го мериме на ултрасонографија, може доста да варира во зависност од терапијата која ја примате. Исто така, и ПСА (Простата специфичниот антиген), кој нормално се излачува од ткивото на простатата и е показател за нејзината големина и метаболна активност, е многу зависен од терапијата која во моментот ја примате.
      Конкретно, во вашиот случај, на волумен на простата од околу 70 мл (грама), може да се очекува и благо покачени вредности на ПСА, т.е. вредности блиску до горната граница на нормалните вредности. Но, во секој случај не би требало да бидат над 8 како што тоа било во еден наврат кај вас. Поради тоа била поставена дијагноза простатит, воспаление на простатата и сте биле третиран со антибиотик (Флексид) но падот на вредноста на ПСА од над 8 на 7.2, и покрај третманот, не претставува очекуван резултат. Во вакви ситуации, поради перзистентната покачена вредност на ПСА, мораме да размислуваме и на други процеси кои може да се развиваат во простатичното ткиво и неретко да препорачаме биопсија на простата со цел да се уточни и утврди дијагнозата.

      Како препорака, би рекол, продолжете да ја земате терапијата со Тамсулозин која ви била препишана но прекинете да земате се друго, бар во периодот додека не дојдете повторно на специјалист Уролог со цел да бидете соодветно дијагностициран и третиран. Пороблемите и операцијата која сте ја имале со Тимусот не би требало директно да влијаат на оваа ваша состојба, иако можно е да сте склон кон повеќе инфекции и настинки. Најбитно во вашиот случај ќе биде да се прати динамиката (порастот и опаѓањето) на вредностите на ПСА. Севкупните податоци од следењето на тие вредности ќе го наведат вашиот Уролог да размислува дали е потребна биопсија како дијагностичка постапка или модификација на медикаментозната терапија.

      Значи накратко, специјалисти Уролози, кои секојдневно се занимаваат со оваа проблематика во Република Македонија има, и ви препорачувам да се јавите во било која од установите како ГОБ 8ми Септември или другите болнички установи во државава, како би добиле соодветна дијагноза и третман за вашата состојба.

      Со почит,

  • Димитар Reply

    благодарам на одговорот; сепак би додал уште некој работи. Мислам дека на наглото зголемување на вредноста на ПСА влијаеа и други работи. На орвиот преглед кај уролог во јуни/2018 ми е направена 2 пати палпација, демек и двата асистенти да виделе…исто така, мислам дека одредено покачување настана и од пливањето во Охрид, иако јас уште од пред 50 години секогаш ги пресоблекувам гаките за пливање, но сепак овие 2 години, 2017 и 2018, летата беа ладни, со ветер. Слично како што големото зголемување на Тимусот 1994 дојде од силна настинка од ветер, мислам дека и сега поред БХП и настинката има удел во зголемувањето на простатата и вредноста на ПСА. А не напишав во првиот пост дека од 2000 до 2015 секојдневно земац по една дражеа Белергамин ( атропа беладона), кој 2015 е прекинат, а кој има нузпојава на простатата…
    Чекам веќе 2 месеци матичниот да закаже преглед кај урологот од 8 септември а со кој преку Ало Докторе контактиравме уште во декември, а кој има некој искуства околу пациенти оприрани од Тимус.
    Патем, еден доктор од Србија, уште пред 10+ години докторираше на случките на НАГЛО стареење на пациенти оперирани од Тимус, т.е. побрзо напредување на старечките симптоми и болести. Тој ми препорача да направам простата хеалт индекс, а по тоа ќе се види што понатака.

  • имав операција со поставување на сонда во десниотканал од бубрегот поради камења во бурегот и можност од зачепување на каналот пред 3години во Охрид.по завршување на третанот после само неколку месеци ми се појави црвенило на внатрешниот дел од глават и кожата од пенисот и до денес не можам да го излечам.при користење на антибиотик цитерал црвенилото ми поминува но по завршување на терапијата повторно се појавува во комбинација со канестен маст.последно ми се случува да имам чуство на недомокреност и зачестено мокрење последователно неколкунпати и чуство на нелагодност и непријатност.имам 49 години и не сум иалникаква консултација или совет молам за мислење и совет што да се напрви и каква терапија би требало да се зема.дијагностика на ехо има нормални димензии на простатата поздрав

    • Д-р Илија Келепуровски

      Во однос на проблемот со пенисот потребно е да се направи микробиолошко иследување т.е. да се ѕеме брис. Во врска со проблемите со мокрењето, треба да се јавите за дополнителни иследувања и преглед на простатата и во зависност од тежината на симптомите, отпочнување на соодветна терапија.
      Секое добро.

comments (7)

Your email address will not be published.