tabule-salata
Споделете со пријателите!

Табуле е салата од блискиот исток, со потекло од Либан, ама дел од состојките се работи што во Македонија се јадат секојдневно: домати, краставици, кромидче. Освен свеж зеленчук ќе ви треба и бунгур. Бунгур се прави од пченица, лесно се готви и е многу здрав. Во Скопје бунгур има во Рамстор. Салатава е одлична за во лето, неверојатно е свежа, добро стои во фрижидер ден-два и вкусна е сама на чинија или заедно со пилешко или други мевца, или во комбинација со средно-источни мезиња како хумус, пита лепчиња и фелафел.

Kоличината на состојки е флексибилна, салата ќе биде прекрасна и со помалку и со повеќе домати или краставица. Најважно е да не претерате со нането.

Рецепт за 4 порции

  • Пола чаша бунгур (не зготвен);
  • 3-4 домати, средна величина (или 2 големи);
  • 1 мала краставица;
  • 2-3 млади кромидчиња;
  • Сок од 1 лимон;
  • 2-3 лажици маслиново масло;
  • 1 китка магдонос;
  • 1/4 или 1/2 китка свежо нане;
  • Сол, бибер.

Ставете го сувиот бунгур во сад, полијте го со 1 и пол чаша жешка вода и оставете го 2-3 часа да ја впие водата и да омекне. (сепак прочитајте го упатството за готвење на пакувањето на вашиот бунгур, во случај да се разликува начинот на подготвување). Бунгурот кој јас го користев омекна за околу 2 часа. Бунгурот доста ќе нарасне.

Во меѓувреме исецкајте ги доматите и краставицата на коцки (не на ливчиња), слично како за шопска салата. Исецкајте го ситно младото кромидче. Исчистете ги ливчињата магдонос и нане, и нив исецкајте ги.

Прочитајте:  Топло чоколадо на стапче

Измешајте го бунгурот со зеленчукот, и додајте пола од магдоносот и нането. Истурете го врз нив сокот од лимон и маслото и ставете сол и бибер. Пробајте ја салатата. Бидејќи магдоносот и нането можат да бидат со премногу јак вкус, додавајте малку по малку додека не добиете добар вкус. Ако е потребно додајте и повеќе сол или лимон, по вкус.

Оставете ја салатата да постои 5 минути и потоа јадете!

Уживајте во вкусот!

* рецептите со во целост превземени од ситно сецкано


Споделете со пријателите!