Под покровителство на Светската Здравствена Организација и оваа година се одржува кампања за подигнување на свеста за имунизација
Во продолжение на Европската недела на имунизација која изминатава недела се одбележа и во Македонија, се прославува и Светската недела на имунизацијата. Од 24 до 30 Април под покровителство на СЗО со цел да ја истакне важноста на вакцините за заштита од болести на луѓето од сите возрасти.
Заштита во текот на целиот живот
Имунизацијата е широко признаена како една од најуспешните и најефективните здравствени достигнувања. Имунизацијата спречува меѓу 2 до 3 милиони смртни случаи секоја година, меѓудругото ги заштитува децата не само од болести за кои вакцините се достапни, како што се дифтерија, тетанус, полио и сипаници, но исто така и против болести како што се пневмонија и ротавирусна инфекција, два од петте најголемите предизвикувачи на смрт кај децата.
Но, сеуште едно од секое петто дете во светот недостасува во оваа приказна. Се проценува дека во 2013 година, 21.8 милиони деца не ги добиле живото-спасувачките вакцини. Несоодветната набавка на вакцини, недостаток на пристап до здравствени услуги, недостаток на точни информации за имунизација и недоволната политичка и финансиска поддршка се најчестите фактори за оваа голема бројка.
Да се затвори имунолошкиот јаз
Светската недела на имунизација 2015 година ќе испрати јасен сигнал за обновување на глобално, регионално и национално ниво на свесноста и потребата за имунизација во заедницата, како и подобрување на системите за вакцинација.
