Состојба со грип во Република Македонија, сезона 2015/2016 (до 23.10.2016)
Во текот на 42-ра недела од 2016 година (од 17.10.2016 – 23.10.2016), во Република Македонија пријавени се 82 (I=4,0/100.000) новозаболени на групни пријави за заболени од грип, што е зголемување за 3,6 пати во споредба со минатата недела.
Во споредба со бројот на регистрирани случаи во 42-ра недела од минатата сезона (49), се бележи намалување од 40,2%, а во однос на просечниот број на заболени за оваа иста недела во изминатиот 10-годишен период (16), постои зголемување од 5,1 пати.
Во сезоната 2016/2017 вкупниот број на заболени од грип изнесува 128 (I=6,2/100.000).
Во споредба со истиот период од минатата година (82), постои зголемување на вкупниот број на пријавени случаи за 56,1%, а во однос на просекот за 10-годишниот период (11) се регистрира зголемување од 11,6 пати.
Во оваа сезона заклучно со 42-ра недела, пријавени се заболени лица од 11 извештајни единици. Најголем број на заболени лица регистрирани се во ЦЈЗ Тетово (76). Во ПЕ Гостивар се регистрирани 15 заболени лица, а во ЦЈЗ Куманово – 10. Во останатите 8 ЦЈЗ/ ПЕ кои имаат регистрирано заболени, се регистрираат поединечни случаи.
Највисока инциденца (59,4/100.000) е регистриранa во ЦЈЗ Тетово.
Во однос на дистрибуцијата на заболените по возрасни групи, најголем број на заболени се пријавени во возрасната група која опфаќа најголем дел од населението (од 15-64 години) со 88 случаи (68,8%), а највисока инциденца (9,1/100.000) е регистрирана кај лицата на возраст од 5-14 години.
Во текот на 42-ра недела од 2016, во вирусолошката лабораторија на ИЈЗ РМ пристигнати се 6 материјали за тестирање на грип. Сите тестирани материјали се негативни на присуство на вирусот на инфлуенца.
Од почетокот на сезоната 2016/2017, во оваа лабораторија пристигнати се 14 хумани материјали од здравствените установи – од амбулантски и болнички лекувани пациенти, кои беа тестирани негативни за присуство на вирусот на грип.
Превземено од: Институт за јавно здравје на Република Македонија
